सागर थापा
दाङ ईलाका प्रहरी कार्यालय तुल्सीपुरले लकडाउन सुरु भएको दोस्रो दिन मंगलबार पनि कडाई गरिएको छ । अहिले अत्यावश्यक सवारी साधन बाहेक अन्य सवारीका साधन, बजारहरु बन्द भएका छन् । दाङ जिल्लाका प्रमुख बजारहरु तुलसीपुर, घोराही, नारायणपुर र लमही भालुबागका बजारहरु पूर्ण रुपले बन्द भएका छन् । ईलाका प्रहरी कार्यालय तुलसीपुरले मंगलार बिहानैदेखि बिना काम घरबाहिर निस्किएका करिब सयौं नागरिक र मालबाहक,यात्रुबाहक सवारी साधनहरुलाई नियन्त्रणमा लिएको छ । तुल्सीपुर प्रहरीले १ हप्ता अघिदेखि माईकिंग गरेर लकडाउनको बारेमा निरन्तर जानकारी गराउदा समेत अटेरी गरेर बाहिर निस्किएकाहरुलाई होल्डमा राखिएको ईलाका प्रहरी कार्यालय तुलसीपुरका प्रहरी प्रमुख डिएसपी शिब बहादुर सिहले जानकारी दिए ।
प्रहरिले जोखिम मोलेर नागरिकको स्वास्थ्य सुरक्षा जोगाउन सडकमा उत्रिएको भन्दै लकडाउन कार्यान्वयन गर्न सबैले सहयोगिको भुमिका खेल्नुपर्ने बताए ।
