सागर थापा
दाङ ईलाका प्रहरी कार्यालय तुलसीपुरले मंगलबार लकडाउन उल्लंघन गर्ने ३१ वटा सवारी साधनलाई नियन्त्रणमा लिएको छ । ईलाका प्रहरी कार्यालय तुल्सीपुरका प्रहरी प्रमुख डिएसपी शिव बहादुर सिंहका अनुसार नियन्त्रणमा लिएका सवारीहरुलाई लकडाउन पछिमात्रै छोडिनेछ । ‘अनावश्यक रुपमा उहाँहरु कसैले तरकारी किन्न जान लागेको, कोही मनिङवाकमा निस्केको, कोहीले बच्चा बच्चीलाई डुलाउन जान लागेको भनि हिडेकाहरुको सवारीलाई नियन्त्रणमा लिएका हौं’, उनले भने‘ हामीले मेडिकलको काममा जानेलाई मात्र हिड्न दिएका छौ ।’
नियन्त्रणमा लिएका सवारीलाई ईलाका प्रहरी कार्यालय तुलसीपुर, अस्थाई प्रहरी पोष्ट जुसपुर,अस्थाई प्रहरी पोष्ट बिजौरी लगायतको विभिन्न स्थानमा राखेको सिंहले बताए । नियन्त्रणमा लिएका सवारी साधन सबै तुलसीपुर उपमहानगरपालिका भित्र चलेका रहेका छन् । सिंहका अनुसार अति आवश्यक बिशेष गरी अस्पतालमा बिरामी कुर्न जाने मान्छे, औषधि किन्न जाने, बाहेक अरु व्यक्तिहरुलाई अनावश्य हिड्न नदिएका कारण लकडाउन अहिले पुर्ण रुपमा लागु भएको उनको भनाई छ ।
यसैविच ईलाका प्रहरी कार्यालय तुलसीपुरले लकडाउन उल्लङ्घन गरि हिडेका १४३ जना व्यक्तिहरुलाई पाँच घण्टा होल्ड राखेर छोडेको छ । मंलबार बिहान ५ बजेदेखि बजारमा हिडिरहेका एकसय ४३ जनालाई करिब ५ घण्टा होल्डमा राखेर छाडेको ईलाका प्रहरी कार्यालय तुलसीपुरका प्रहरी प्रमुख डिएसपी सिंहले जानकारी दिए ।

सम्बन्धित

६ महिनापछि सञ्चालनमा आउँदै आन्तरिक हवाई सेवा भाडा नबढ्ने, पूर्ण क्षमतामा यात्रु बोक्न पाइने

जनमोर्चा बङगलचुली गाउपाकिका ४ मा वडा समिति गठन

भाडा पनि घट्यो

घोराही उपमहानगरपालिकाले गल्ती स्विकार्दै पहुँचका आधारमा स्वाब संकलन

सार्वजनिक बिदाको दिन सरकारी गाडीमाथी कडा निगरानी ट्राफिक प्रमुख: बम

बीपी कोइराला पब्लिक पोलिसीको प्रथम भेला सम्पन