३० आषाढ २०८१, आइतबार
14-07-2024 , Sun
×

बाजुरमा खाने चामल छैन तर जहाज चार्टर गरेर हुन्छ मदिराको ढुवानी

Logo
प्रकाशित बुधबार, भाद्र १७, २०७७

ABC Sanchar
मार्तडी सुदूरपश्चिम प्रदेशको हिमाली जिल्ला बाजुराको पूर्वी उत्तरी क्षेत्रमा २ महिना अगाडिदेखि खाद्य संकट छ ।
तत्काल खाद्यान्न ढुवानी नभए त्यहाँका जनताले हातमुख जोर्ने समस्या हुने अवस्था छ । तर, त्यहाँ मदिरा भने जहाज चार्टर गरेर ढुवानी भइरहेको छ ।
कोरोना संकटका कारण स्थानीय प्रशासनले अत्यावश्यक पर्ने खाद्यान्न, तरकारी र औषधि बाहेकको ढुवानीमा रोक लगाएको छ । प्रशासनको आदेशानुसारा अहिले मदिराको ढुवानी गर्न नपाइने हो ।
तर, जनता भोकमरी सम्मुखमा रहेका बेला नेपालगञ्जबाट मदिरा र सूर्तिजन्य पदार्थ बोकेका चार्टर जहाज कोल्टी विमानस्थलमा अवतरण भइरहेका छन् ।
कोल्टी विमानस्थलमा हाल दैनिक ७ वटासम्म उडान हुँदै आएका छन् । सरकारले यात्रु बोक्न नपाउने गरी ढुवानी प्रयोजनका लागि आन्तरिक उडानको अनुमति दिएअनुसार कोल्टीमा जहाजहरु आउने र जाने गरिरहेका छन् ।
जसमध्येका ४ देखि ५ उडानमा मदिरा र सूर्तिजन्य पदार्थको ढुवानी हुने गरेको बाजुरा नागरिक उड्डयन कार्यलय बाजुराका निमित्त प्रमुख प्रसाद पौडेलले वताए
पौडेलका अनुसार नेपालगञ्ज तथा सुर्खेतबाट आउने अधिकांश चार्टर जहाजमा मदिरा हुन्छ ।
एउटा जहाजमा ७५ देखि १ किलोसम्म मदिरा ढुवानी गरेको पौडेलले बताए । यसरी दैनिक ५ सयदेखि ७ सय किलोग्राम मदिरा तथा सूर्तिजन्य पदार्थ बाजुरामा ढुवानी भइरहेको छ ।
नेपालगञ्ज तथा सुर्खेतबाट सिता, समिट र तारा एरले दैनिक बाजुरामा उडान भरिरहेका छन् ।
जहाजमार्फत कोल्टी विमानस्थलमा पुग्ने मदिरा खच्चरमार्फत बाजुराको चार वटा स्थानीय तह तथा कर्णाली प्रदेशका हुम्ला र मुगु जिल्लासम्म पुर्याइने गरिन्छ ।
कोल्टी बजारमा मदिरा पसल चलाइरहेका मंगल थापाले जहाजबाट नै मदिरा ढुवानी गर्ने गरेको स्वीकारे ।
यो क्षेत्रमा खाद्य संकट भएको लामो समय भइसकेको छ । यहाँका स्थानिय बजारमा खाद्यन्न अभाब रहेको छ । तर मदिरा भने फालाफाला पाइने गरेको बुढिनन्नदा नगरपालिका निमित्त प्रमुख प्रशासकिय अधिकृत रामदत्त न्यौपाने बताउँछन् ।
पटक पटक नियन्त्रणका लागि प्रयास गर्दा पनि नेपालगञ्ज र सुर्खेतबाट मदिरा पठाउने क्रम नरोकिएको उनले बताए ।
‘हामीले जिल्ला प्रशासन कार्यलयलाई भनेको हो, तर अहिलेसम्म रोकिएको छैन,’ न्यौपाने भन्छन् ।
नागरिक उडयन कार्यलय कोल्टीका अनुसार १ महिनामा कोल्टी विमानस्थलमा १ सय ६० वटा उडान भएका छन् ।
६० प्रतिशत भन्दा बढि उडानमा मदिरा नै ढुवानी भएको कार्यलयले जनाएको छ । १ सय ६० उडानमा ९७ हजार ३ सय ४ केजी सामान ढुवानी भएको मध्ये धेरै मदिरा मात्र भएको कार्यलयका कर्मचारी बताउँछन् ।
बाजुराका प्रमुख जिल्लाअधिकारी कृष्ण गैह्रे भने यसरी मदिरा नआउनु पर्ने बताउँछन् ।
यस विषयमा आफूले बाँके र सुर्खेतको प्रमुख जिल्ला अधिकारीसँग कुरा गर्ने उनको भनाइ छ ।
निजी एरलाइन्सले मनोमानी ढंगले उडान भर्ने भएकाले यो समस्या भएको उनको भनाइ छ ।
यो क्षेत्रको कोल्टि खाद्य संस्थान र कवाडी डिपोमा चामल सकिएको दुई महिना भइसक्दासम्म पनि चामल भने आउन सकेको छैन । बडिमालिका खबरको सहयोगमा

कमेन्ट गर्नुहोस्
सम्बन्धित

काठमाडौं । कामचलाउ सरकारका उपप्रधान एवं गृहमन्त्री रवि लामिछानेले निर्मला पन्तको अनुसन्धान अन्तिममा पुगेको दाबी गरेका छन्। आईतवार मन्त्रालयमा पत्रकार सम्मेलन गरी उनले सरकार निर्मला पन्तको अनुसन्धान अन्तिममा पुगेको दाबी गरेका हुन्। उनले आफूले नेपाल प्रहरीमा कुनैपनि विधि मिच्ने काम नगरेको उनले जिकिर गरे। उनले आफू गृहमन्त्री भएपनि आफूले सुरक्षा निकायलाई आफ्नो बारेमा अध्ययन, अनुसन्धान […]

काठमाडौं । राष्ट्रपति रामचन्द्र पौडेलले संविधानको धारा ७६ (२) बमोजिम सरकार गठनका लागि दाबी पेस गर्न दिइएको समय आइतबार साँझ ५ बजे सकिदैछ । राष्ट्रपतिको आह्वानबमोजिम कांग्रेस र एमालेको समर्थनमा नेकपा एमालेका अध्यक्ष एवम् संसदीय दलका नेता केपी शर्मा ओलीले प्रधानमन्त्रीमा दाबी पेस गरिसकेका छन् । शितलनिवास स्रोतका अनुसार आइतबार साँझ ५ बजेपछि ओलीलाई प्रधानमन्त्री […]

  काठमाडौँ । एमाले अध्यक्ष केपी शर्मा ओलीको नेतृत्वमा बन्ने नयाँ सरकारमा दुई जना उपप्रधानमन्त्री रहने लगभग निश्चित भएको छ । जसमा एमाले र कांग्रेसका एक-एक जना उपप्रधानमन्त्री हुने निश्चित भएको कांग्रेस र एमालेका नेताहरूले बताएका छन् । कांग्रेसबाट उपप्रधानमन्त्री राखौँ भन्ने अलि बढी जोड छ । त्यसो हुँदा दुई ठुला दलबाट एक-एक जना उपप्रधानमन्त्री […]