रुकुमको सानीभेरीमा १२ वेडको आइसोलेशन कक्ष बनाइदै

प्रकशित मिति : १७ भाद्र २०७७, बुधबार २१:१२

मनोज डागी
रुकुम पश्चिम सानीभेरी गाउँपालिका ७ छोटेबगरमा रहेको सानीभेरी शिक्षा क्याम्पसको भवनमा १२ बेडको आइसोलेशन कक्ष निर्माण गरिने भएको छ । कोरोना महामारिका कारणले आउन सक्ने समस्यालाई मध्यनजर गर्दै सानिभेरी गाउपालिकामा पनि आइसोलेशन कक्ष निर्माण गर्न गरिने भएको हो ।
सानिभेरी गाउँपालिका अध्यक्ष नरबहादुर पुनका अनुसार गाउँपालिका अस्पताल नजिकै रहेको शिक्षा क्याम्पसको खाली भवनलाई उपयोग गरी आइसोलेशन कक्ष निर्माण गर्न लागिएको छ । अस्पताल नजिकै भएकाले उक्त भवन उपयुक्त देखिएको अध्यक्ष पुनको भनाई रहेको छ । अहिले तत्काल भवन निर्माण गर्न सम्भव छैन । क्याम्पसको भवन खालि भएकाले तत्काल त्यसैलाई उपयोग गरेका छौं अध्यक्ष पुनले बताउनुभयो ।
मंगलबार जिल्ला स्वास्थ्य कार्यालय रुकुम पश्चिमका प्रमुख महेश चौलागाईं, डाक्टर राजकुमार भूजेल, सानिभेरी गाउँपालिकाका प्रमुख प्रशासकिय अधिकृत भुपाल सिं बिष्ट, कोरोना रोग नियन्त्रण फोकल पर्सन इश्वर रावल¸ सानीभेरी गाउँपालिका स्वास्थ्य संयोजक छविलाल केसी सहितको संयुक्त टोलिले आइसोलेशन निर्माण गरिने भवनको स्थलगत अनुगमन गरेको हो ।
उक्त आइशोलेसन कक्ष २ दिन भित्रैमा तयार गरिने छ । अनुगमनका क्रममा जिल्ला स्वास्थ्य कार्यलयका प्रमुख महेश चौलागाईंले आगामी दिनमा प्राबिधिक तथा अन्य सहयोगको लागि स्वास्थ्य सेवा कार्यालय रुकुम पश्चिम अग्रपंक्तिमा भयर काम गर्ने प्रतिबद्धता राख्नु भयो ।

प्रकशित मिति : १७ भाद्र २०७७, बुधबार २१:१२