महेन्द्र सिंह
बाँके राप्तीसोनारी गाउँपालिकाको दक्षिणी भेगमा प्रहरीले बुधबार सवारीसाधनको कडा चेकजाँच गरेको छ। चेकजाँचका क्रममा प्रहरीले राप्तीसोनारीको वडा नम्बर ६ को कुन्दा चोक , वडा नम्बर ६ कै सिद्धश्वर स्कुल चोक र वडा नम्बर ७ को लालपुरबाट कागजपत्र नबोकेर गुडेका १७ मोटरसाइकललाई नियन्त्रणमा लिएको छ।
त्यस्तै ३३ सवारीसाधनबाट चेकिङस्थलमै ३३ हजार राजस्व संकलन गरेको जिल्ला ट्राफिक प्रहरी बाँकेका ट्राफिक प्रमुख प्रहरी निरीक्षक पबिन्द्र बमले बताए।
नियन्त्रणमा लिएका मोटरसाइकललाई ईलाका प्रहरी कार्यालय कम्दीमा राखिएको छ। ३ स्थानमा गरिएको चेक जाँचमा कुन्दा चोकमा ट्राफिक प्रहरी प्रमुख बम, सिद्धश्वर स्कुल चोकमा कम्दी प्रहरी प्रमुख प्रहरी नायब निरीक्षक सुरेन्द्र पन्त र लालपुरमा जिल्ला प्रहरी बाँकेका प्रहरी निरीक्षक खडक मल्लको नेतृत्वमा सवारीसाधनलाई नियन्त्रणमा लिइएको हो।
चेकजाचमा फत्तेपुर प्रहरी चौकी(ख)का प्रहरी सहायक निरीक्षक राम बहादुर चन्द लगायत ५० बढी प्रहरी र ट्राफिक प्रहरीले दिनभर चेकजाँच गरेका थिए।
यसरी प्रहरी र ट्राफिक प्रहरीले राप्तीसिनारीको दक्षिणी भेगमा गरेको संयुक्त चेकजाँचले त्यहाँका स्थानीयले अब भने कागजपत्र बोकेर सवारीसाधन चलाउनु पर्ने पाठ सिकेका छन् ।
नियन्त्रणमा लिएर कम्दी प्रहरीमा राखिएक मोटरसाइकललाई भने सवारीधनीले कागजपत्र लिएर आएर जरिवाना तिरेर आफ्नो मोटरसाइकल लिन सकिने प्रहरी नायब निरीक्षक पन्तले बताए।

सम्बन्धित

बाघको त्रासमा मध्यवर्ती क्षेत्रका बासिन्दा जंगलमा घास दाउरा गर्न जन पनि डर

आईजिपी सिंहको निर्देशन अपराध अनुसन्धानमा संबेदनशिल भई पारदर्शी रुपमा काम गर्न

सहरी विकास मन्त्रालयमा गाभ्ने निर्णयको विरुद्धमा कर्मचारीद्वारा विरोध प्रदर्शन

सशस्त्र प्रहरी आईजिपी राजु अर्यालद्वारा बाहिनी र मातहत इकाईहरुको निरीक्षण

सुदूरपश्चिम ट्राफिक प्रहरीद्वारा साढे ५ करोडको राजस्व संंकल

दाङ प्रहरीले पुरुषहरूलाई माया जालमा पारेर पैसा असुल्ने महिलाहरुको गिरोह पक्राउ