महेन्द्र सिंह बाँके कोहलपुरको न्यूरोडमा मोटरसाईकल र अटो एकआपसमा जुध्दा ६ जना घाईते भएका छन । यात्रु बोकेको भे १ ह ४९५७ नम्बरको अटो रिकसा र विपरित दिशाबाट आएको भे ५ प ९४६९ नम्बरको मोटरसाईकल एकआपसमा जुध्दा दुर्घटना भएको ईलाका प्रहरी कार्यालय कोहलपुरले जनाएको छ ।
दुर्घटनामा अटोचाकल सहित अटोमा सवार सबै यात्रु घाईते भएका छन । जसमध्ये कोहलपुर नगरपालिका ५ की मनिषा वलीको अवस्था गम्भीर रहेको प्रहरीले जनाएको छ । उनको नेपालगन्ज मेडिकल कलेज कोहलपुरको भेन्टिलेटरमा उपचार भईरहेको छ । वलीको टाउकोमा चोट लागेकाले अहिलेसम्म होस नखुलेको प्रहरीले जनाएको छ । दुर्घटनामा अर्की एक महिलाको हात भाँचिएको छ । अन्य घाईतेहरु भने सामान्य उपचारपछि घर फर्किएका छन ।
