१२ आषाढ २०८१, मंगलबार
25-06-2024 , Tue
×

लकडाउनको समयमा १७ जना युवतीहरु हराएका छ्न:माइती नेपाल

Logo
प्रकाशित आइतबार, भाद्र २१, २०७७

महेन्द्र सिंह बाँकेमा लामो लकडाउले गर्दा सवारी साधन नचलेको र एक जिल्लाबाट अर्को जिल्लामा जान कठिनाई भएको अवस्थामा १७ जना युवती हराएका छन् । मावन बेचबिखन तथा ओसारपसारविरुद्धको १४ औं राष्ट्रिय दिवसका अवसरमा माइती नेपाल, नेपालगञ्जले सार्वजनिक गरेको तथ्यांक अनुसार, एक वर्षमा यहाँबाट ५ सय ८५ जना हराएका छन् । त्यसमा २ सय ८० जना फेला परेका छन् । विगतमा भन्दा यो वर्ष खोजतलासको निवेदन कम परेको छ ।
चैत्र ११ गतेदेखि नेपालमा बन्दाबन्दी भएको थियो । बन्दाबन्दीमा पनि मानव बेचबिखनका दलाल सक्रिय रहेको खोजतलासका लागि परेको निवेदनहरुले देखाएको छ । बन्दाबन्दीमा हराएका १७ मध्येमा पाँच युवती फेला परेका छन् । माइती नेपाल, नेपालगञ्जका संयोजक केशव कोइरालाका अनुसार, दुई जनालाई काठमाडौंबाट उद्धार गरिएको छ । एक महिलाले राम्रो काम लगाइदिन्छु भन्दै उनीहरुलाई काठमाडौं पु¥याएकी थिइन् ।
बन्दाबन्दीले गर्दा तेस्रो मुलुकमा जोखिमपूर्ण यात्रा गराउन सम्भव नभएपनि आन्तरिक बेचबिखनको खतरा बढाएको माइती नेपाल, नेपालगञ्जका संयोजक कोइरालाले बताउनुभयो । ‘यातायातका साधन चलेका छैनन्, एक ठाउँबाट अर्को ठाउँमा जान पाइदैन, कोइरालाले भन्नुभयो, तर पनि युवतीहरु हराइरहेका छन् । आन्तरिक बेचबिखनको खतरा बढेको छ ।’
हराएका युवतीहरुले फोन र सामाजिक सञ्जालको व्यापक प्रयोग गरेको देखिएको छ । माइती नेपाल, नेपालगञ्जका अनुसार, नेपालगञ्ज नाकाबाट एक वर्षमा ५ सय ७७ जनालाई फिर्ता पठाइएको छ । त्यसमध्येमा एकजनालाई बन्दाबन्दीको क्रममा नाकाबाट फर्काइएको हो ।

कमेन्ट गर्नुहोस्
सम्बन्धित

ABC (क्राईमबिट) सिरहा । वैदेशिक रोजगारीबाट घर फर्किएकै दिन प्रेमिकासँग यौन सम्बन्ध राख्न होटेल पुगेका सिरहाको धनगढी नगरपालिका वडा नम्बर १० का ३२ वर्षीय पुरुषको मृत्यु भएको प्रहरीले जनाएको छ । सिरहाका प्रहरी प्रमुख रमेश पण्डितले मृतकको शव पोस्टमार्टम तथा फरेन्सिक ल्याबमा परीक्षणका लागि पठाइएको जानकारी दिए । उनी सोमबार स्थानीय धनगढीमाइ होटेल एण्ड लजमा […]

ABC (क्राईमबिट) काठमाडौं । उपप्रधानमन्त्री तथा गृहमन्त्री रवि लामिछानेले राष्ट्रिय अनुसन्धान विभागलाई गृह मन्त्रालय मातहत राख्न माग गरेका छन् । मंगलबार प्रतिनिधिसभा बैठकमा प्रधानमन्त्री तथा मन्त्रिपरिषद कार्यालय अन्तर्गतका निकायको बजेटमाथिको छलफलमा उठेका प्रश्नको जवाफ दिने क्रममा प्रधानमन्त्री पुष्पकमल दाहाल प्रचण्डले गृहमन्त्रीले राअविलाई गृह मातहत राख्न माग गरेको खुलाए । ‘अहिले भर्खरै पनि उपप्रधानमन्त्री तथा गृहमन्त्रीजीले […]

(ABC-Sanchar) दाङ । नेपाल प्रेस युनियनले नेपाल पत्रकार महासंघ दाङको अध्यक्षका लागि पत्रकार सन्तोष सुवेदीलाई अघि सार्ने भएको छ । युनियनको आज बसेको बैठकले महासंघको आसन्न अधिवेशनमा सुवेदिलाई अध्यक्षमा अघि सार्ने निर्णय गरेको हो । युनियन भित्र पत्रकार बसुन्धरा गौतम पनि अध्यक्षको आकाङ्क्षि थिइन् । चुनाव जित्नका लागि भन्दै सुवेदिलाई अघि सारीएको युनियनले जनाएको छ […]