दाङमा २२ गते देखि २८ गतेसम्म लकडाउन खुकुलो बिहान १२ बजे सम्म बजार खोल्ने

प्रकशित मिति : २१ भाद्र २०७७, आईतवार १३:४३

सागर थापा दाङ जिल्ला संकट व्यवस्थापन केन्द्रको बसेको बैठकले जिल्लामा लकडाउन २२ गतेदेखि २८ गतेसम्म खुकुलो बनाउने निर्णय गरेको हो । बैठकले भोलि २२ गतेदेखि भदौ २८ गतेसम्म दैनिक बिहानको समयमा ६ घण्टा बजार तथा छोेटोदुरीका सवारी साधन संचालन गर्न दिने निर्णय गरेको संकट व्यस्थापन केन्द्रका दाङका प्रमुख तथा प्रमुख जिल्ला अधिकारी गोविन्द प्रसाद रिजालले जानकारी दिनुभयो ।
भदौ २२ गतदेखि बिहान ६ बजेदेखि १२ बजेसम्म बजार खुल्ला रहने भएको छ, प्रजिअ रिजालले भन्नुभयो–‘छोटो दुरीका सवारी साधनमा पनि जोर बिजोर प्रणाली लागु गरेको बजार खुल्ने समयमा मात्रै संचालन गर्न दिने निर्णय भएको छ ।’ जिल्लामा अझै एक साता बिहान ६ बजेदेखि १२ बजेसम्म बाहेक अन्यसमयमा अन्त्यावश्यक बाहेक ठप्प हुने भएको छ । यसअघि संक्रमण रोकथामका लागि भदौ १४ गते राती १२ देखि आज राती १२ बजेसम्म पुर्ण लकडाउन गरिएको थियो ।

प्रकशित मिति : २१ भाद्र २०७७, आईतवार १३:४३