महेन्द्र सिंह
बाँकेमा मापसे गरेर सडकमा सवारी साधन चलाउने चालकहरूको अबदेखि फोटोसहित ट्राफिक प्रहरीले रेकर्ड राख्ने भएको छ । ट्राफिक प्रहरीले बाँके जिल्लामा अत्याधुनिक ब्रेथलाइजरको सहयोगमा मापसे गरेका चालकहरुको जाँच गर्दै फोटो क्लिक गर्ने भएको छ। जिल्लामा अहिलेसम्म यस्तो मेसिन नभएको अबस्थामा ट्राफिक प्रहरीले अहिलेसम्म चालकको मुख सुँघेर मापसे गरे नगरेको पत्ता लगाउने गर्नु परेको तर अब यो मेसिनको चाडै प्रयोगमा ल्याई मापसे चेकजाँच गरिने जिल्ला ट्राफिक प्रहरी कार्यालय बाँकेका ट्राफिक प्रमुख प्रहरी निरीक्षक पबिन्द्र बमले बताए । उक्त ब्रेथलाइजर मेसिनले चालकको तस्वीर खिच्ने र अल्कोहलको मात्रा समेत पत्ता लगाउने बमले बताए। आजमात्रै जिल्ला बिपद व्यवस्थापन समिति बाँकेको तर्फबाट प्रमुख जिल्ला अधिकारी रामबहादुर कुरुम्बाङले जिल्ला प्रहरी प्रमुख प्रहरी उपरीक्षक ओमबहादुर रानालाई आज तीन थान ब्रेथलाइजर हस्तान्तरण गरेका छन । जिल्ला प्रहरी कार्यालय बाँकेले तिनै थान अत्याधुनिक ब्रेथलाइजर मेसिन ट्राफिक प्रहरीलाई हस्तान्तरण गरेको जिल्ला ट्राफिक प्रहरी कार्यालय बाँकेका ट्राफिक प्रमुख बमले जानकारी दिनुभएको छ ।

सम्बन्धित

सिमा बारेमा बोलेको भन्दै हुम्लाको सहायक सिडियोलाई स्पष्टिकरण

दाङको तुलसीपुरमा सवारी पार्किङ ब्यवस्थापन गर्दै ट्राफिक प्रहरी

दाङमा उद्योग तथा व्यवसाय दर्ता गर्नेको सङ्ख्या बढ्दै

बोक्सीको आरोपमा अमानवीय क्रियाकलाप रोक्न गृहको कडा निर्देशन

बत्ती आउनेजानेको समस्या तत्काल समाधान गर्न ऊर्जामन्त्रीको निर्देशन

नेपाली सेनाका २७ सहायकरथी र ३ महासेनानीको सरुवा