ABC Sanchar नेपाल विद्युत प्राधिकरणका निवर्तमान कार्यकारी निर्देशक कुलमान घिसिङको पक्षमा बाँकेको कोहलपुरमा युवाहरुले प्रदर्शन गरेका छन् । नेपाल विद्युत प्राधिकरणको कार्यकारी निर्देशकमा कुलमानलाई पुन: नियुक्त गर्न माग गर्दै युवाहरुले कोहलपुरमा प्रदर्शन गरेका हुन् ।
शनिबार बिहान कोहलपुर चौराहामा जम्मा भएका युवाहरुले उनको पक्षमा र्याली निकालेका थिए ।
देशका विभिन्न स्थानमा कुलमानलाई प्राधिकरणको कार्यकारी निर्देशकमा पुन: नियुक्त गर्नुपर्ने माग राख्दै प्रदर्शन भइरहेका बेला कोहलपुरमा समेत प्रदर्शन भएको हो ।
भ्रष्टचारको जालो तोड्दै लोडसेडिङको अन्त्य गरौँ ! कमिसनको चलखेलबाट प्राधिकरणलाई मुक्त पारौँ !’ भन्ने मूल नाराका साथ युवाहरुले कुलमानको पुनः नियुक्तिको लागि र्याली प्रदर्शन गरेका हुन् ।
