संविधान दिवसको अवसरमा दाङका १७ कैदी थुनामुक्त

प्रकशित मिति : ४ आश्विन २०७७, आईतवार ०७:१६

सागर थापा दाङ घोराही कारागारबाट ११ र तुलसीपुर कारागारबाट ६ जना कैदीलाई थुनामुक्त गरिएको हो ।
असल चालचलन भएका, आधा कैद भुक्तान गरिसकेका कैदीबन्दीहरुलाई संविधान दिवसका दिन कैद मिनाह गर्ने गरिन्छ । सोही अनुसार घोराही कारागारबाट कर्तव्य ज्यान सम्बन्धि र सवारी ज्यान सम्बन्धि ४/४ जना, हातहतियार खरखजना सम्बन्धी, ठगी सम्बन्धि र ज्यानमार्ने उद्योग सम्बन्धि १ / १ जनाको कैद भुक्तान गरिएको हो । त्यस्तै तुलसीपुर कारागारबाट नकावजनी चोरी सम्बन्धी ३ जना, सवारी ज्यान सम्बन्धी दुईजना र डाँकाचोरी सम्बन्धी एक जना कैदीको कैद मिनाह गरिएको हो ।
अब तुलसीपुरमा ४ सय ५१ र घोराहीमा दुईसय ७६ कैदीबन्दी रहेका छन् । तुलसीपुर कारागारमा नयाँ भवन निर्माण भएपछि पाँचसय क्षमता राख्न सकिन्छ ।

प्रकशित मिति : ४ आश्विन २०७७, आईतवार ०७:१६