३० आषाढ २०८१, आइतबार
14-07-2024 , Sun
×

६ महिनापछि सञ्चालनमा आउँदै आन्तरिक हवाई सेवा भाडा नबढ्ने, पूर्ण क्षमतामा यात्रु बोक्न पाइने

Logo
प्रकाशित आइतबार, आश्विन ०४, २०७७

ABC Sanchar
काठमाडौं करिब ६ महिनापछि देशका प्राय सबै (चालू अवस्थामा रहेका) विमानस्थलमा हवाई सेवा पुनः सञ्चालन हुँदैछ ।
सरकारले सोमबार (असोज ५ गते)बाट नियमित आन्तरिक उडान सेवा शुरु हुने भन्दै सबै वायुसेवा कम्पनीहरुलाई पत्राचार गरिसकेको छ ।
संस्कृति पर्यटन तथा नागरिक उड्डयन मन्त्रालयले वायु सेवा कम्पनीहरुलाई लेखेको पत्रमा स्वास्थ्य सुरक्षाका सबै मापदण्ड पालना गराएर सेवा सञ्चालन गर्न पनि भनेको छ ।
कोरोना भाइरस संक्रमणको जोखिम कम गर्न भन्दै गत चैतमा देशव्यापी लकडाउन जारी भएसँगै आन्तरिक हवाई सेवा समेत ठप्प थियो । लकडाउन हुनु अगाडिसम्म करिब २५ देखि ३० वटा विमानस्थलमा दैनिक रुपमा उडान हुँदै आएका थिए ।
तर, असोज ५ गतेदेखि आन्तरिक हवाई सेवा शुरु भएपछि भने सञ्चालनमा रहेकामध्ये आधा विमानस्थलमा उडान हुनसक्ने पर्यटन मन्त्रालयका अधिकारी बताउँछन् ।
पोखरा, विराटनगर, भैरहवा, भद्रपुर (झापा), नेपालगञ्ज, धनगढी, जनकपुर र भरतपुर (चितवन)मा दैनिक १ देखि आवश्यकताअनुसार २ र ३ वटा उडान हुनेछन् ।
अन्य विमानस्थलमा भने यात्रुको संख्या हेरेर हवाई कम्पनीहरुले उडान अनुमति पाउने छन् ।
संस्कृति, पर्यटन तथा नागरिक उड्डयन मन्त्रालयका अनुसार असोज ५ गतेदेखि ९ दिनसम्म २५ प्रतिशत मात्रै उडान हुनेछन् ।
जस्तै, पोखरा विमानस्थलमा लकडाउन अगाडि हुने गरेको दैनिक उडान संख्याको २५ प्रतिशत मात्रै उडान हुनेछन् । अन्य विमानस्थलमा पनि यही आधारमा उडान हुनेछन् ।
तर, ९ दिनपछि यात्रुको उपलब्धतता र वायुसेवा कम्पनीको माग अनुसार थप उडानहरु स्वीकृत हुनेछन् ।
आन्तरिक उडानका क्रममा वायुसेवा कम्पनीले सीट क्षमताको कति प्रतिशत यात्रु बोक्न पाइने भन्ने केही खुलाएको छैन । जसकारण वायुसेवा कम्पनीहरु शतप्रतिशत नै यात्रु बोक्ने तयारीमा छन् ।
तर, त्यसअगाडि स्वास्थ्य सुरक्षाका सबै मापदण्ड पूरा गरिने छ । सेवा प्रवाहका लागि जुनसुकै विमानस्थलमा पुग्ने यात्रुको पहिले शरीरको तापक्रम जाँच गरिने छ । त्यसपछि विमानस्थलमा रहेको हेल्थ डेस्कमा यात्रुलाई एउटा फर्म भर्न लगाइने छ ।
त्यसमा यात्रुले आफ्नो ट्राभल हिस्ट्री, कोरोनासँग मिल्दाजुल्दा कुनै लक्षण देखिएको नदेखिएको, कुनै रोग लागेको, अस्पताल गएको जस्ता विवरण लेख्नुपर्ने हुन्छ ।
भाडा भने नबढ्ने
यसअघि सरकारले हवाई यात्राका दौरान भौतिक दुरी कायम हुने गरी सिट क्षमताको ५० प्रतिशत मात्रै यात्रु राख्न पाइने र साविकको भन्दा ५० प्रतिशत बढी भाडा लिन पाइने गरी सेवा सञ्चालन गर्न हवाई कम्पनीहरुलाई प्रस्ताव राखेको थियो । तर अहिलेको अवस्थामा हवाई यात्रुहरुले साविकको भन्दा ५० प्रतिशत महङ्गो भाडा तिर्न नसक्ने भन्दै व्यवसायीहरुले सरकारको प्रस्ताव स्वीकार गरेनन् ।
व्यवसायीहरुले साविककै भाडादरमा पूर्ण क्षमतामा मात्रै यात्रु बोक्ने अडान राखेपछि सरकारले व्यवसायीकै प्रस्तावमा समर्थन जनाएको छ ।
जसकारण तत्कालका लागि हवाई भाडा बढ्ने छैन । अब यात्रुहरुले लकडाउन अगाडिकै भाडादरमा आन्तरिक हवाई यात्रा गर्न पाउनेछन् ।

कमेन्ट गर्नुहोस्
सम्बन्धित

  बाँके । बाँकेको खजुरा गाउँपालिका ८ स्थित अवैध रूपमा भारतबाट भन्सार छलि ल्याइएको ब्रोईलर कुखुराको चल्ला प्रहरीले बरामद गरेको छ। प्रहरीले भारत बाट भन्सार छली पैठारी गरी ल्याउदै गरेको अवस्थामा ब्रोइलर कुखुराको चल्ला १६,०० वटा अंन्दाजी मुल्य रु. १,६०,०००।– (एक लाख साठ्ठी हजार) बराबरको बरामद गरेको हो । उक्त कुखुराका चल्ला थप कारवाहीको लागि […]

काठमाडौं । एमालेमा विष्णु पौडेल, पृथ्वी सुब्बा गुरुङ, छविलाल विश्वकर्मा, योगेश भट्टराई, पदम गिरी, एलपी सावालगायत मन्त्रीका लागि चर्चामा छन् कांग्रेसमा प्रकाशमान सिंह रमेश लेखक, जीवन परियार, किशोरसिंह राठोर, हृदयराम थानी, ऐनबहादुर शाही, अजय चौरसिया, दीपक खड्का, उदयशमशेर राणालगायत मन्त्रीका लागि चर्चामा रहेका नाम हुन् योग्य, क्रियाशील र अहिलेको परिस्थितिको सामना गर्न सक्ने सदस्य मन्त्री […]

काठमाडौं । नयाँ सरकार गठनको गृहकार्यमा जुटेका एमाले अध्यक्ष केपी शर्मा ओलीले आइतबार बिहान नयाँ मन्त्रीको सूची तयार गर्ने भएका छन्। एमालेका तर्फबाट मन्त्री चयन गर्ने अधिकार पाएका अध्यक्ष ओलीले यसपटक प्रतिनीधिसभामा निर्वाचित भएकालाई प्राथमिकतामा राखेका छन्। आइतबार राष्ट्रपतिबाट प्रधानमन्त्रीमा नियुक्त भएलगत्तै मन्त्रिपरिषद् विस्तार गर्ने तयारीमा रहेका ओलीले कांग्रेससँग पनि मन्त्रीको सूची मागिसकेका छन्। ‘पहिलो […]