दाङको टरिगाउँमा यात्रु नभए पछी जहाज आएन

तेज वली ,                                                             दाङको तुलसीपुर स्थित टरिगाउँ विमानस्थल आजदेखि सञ्चालनमा आउने भनिएपछि यात्रु नभएपछि उडान रोकिएको छ । नेपाल एयरलाईन्सका तुलसीपुर प्रुमख नेमकान्त लम्सालका अनुसार एक जना पनि यात्रु नभएपछि उडान रोकिएको छ ।
हिजो १ बजे मात्रै टिकेट खुल्ला गरिएकाले आज यात्रुहरु नभएको उनले बताए । दाङबाट जाने यात्रु पनि नभएको र काठमाडौंबाट आउने यात्रु पनि नहुँदा उडान अबरुद्ध भएको हो । कोभिडका कारणले लामो समयदेखि अबरुद्ध हवाई सेवा आज देखि सञ्चालन गर्ने तयारी गरिएको थियो । अहिले कोभिडको त्रासले गर्दा यात्रुहरु पनि कम हुने भन्दै हप्तामा तीन दिन मात्रै उडान गर्ने उनले बताए ।
सोही अनुसार सोमबार उडान नभएपछि बुधबार र शुक्रबार हुने उडानकालागि तयारी भएको उनले बताए । उनका अनुसार केही समय यात्रु कम हुँदा सम्मकालागि सोमबार, बुधबार र शुक्रबार मात्रै हवाई उडान सुरु गर्ने तयारी रहेको उनले बताए । जहाजको दाङ-काठमाडौको भाडा ५ हजार ७ सय ७० भएको छ भने काठमाडौको भाडा ५ हजार ९ सय ६० रहेको छ ।