महेन्द्र सिंह
बाँके सशस्त्र प्रहरीले दशगजा नजिकबाट अवैध सामानसहित मोटरसाइकल बरामद गरेको छ ।
नेपालगञ्ज उपमहानगरपालिका वडा नम्बर १५ स्थित टंकपसेरी नजिकै दशगजाबाट नेपालतर्फ यू.पी.४० एच ३१९० नम्बरको मोटरसाइकलमा सामान लोड गरी ल्याउँदै गर्दा नियन्त्रणमा लिइएको हो । प्रहरीलाई देख्नासाथ मोटरसाइकल र सामान छोडेर सामान ल्याउने व्यक्ति भागेका थिए ।
सशस्त्र प्रहरी बल विओपी जमुनाहा भन्सारबाट सशस्त्र प्रहरी निरिक्षक जीवनलाल बुढाको कमाण्डमा खटिएको ७ जनाको मोबाइल गस्ती टोलीले विहान ११ बजे गाडीका पार्टपुर्जासहित अन्य अवैध सामग्री बरामद गरेको हो ।
मोटरसाइकलसहित बरामद गरिएको सामग्रीको मूल्य एक लाख १० रुपैयाँ रहेको सशस्त्र प्रहरीले जनाएको छ । बरामद गरिएका सामान आवश्यक कारवाहीका लागि भन्सार कार्यालय पठाइएको छ ।
