ABC Sanchar
काठमाडौं गृहमन्त्रालयले चीनसँगको सीमा विवादबारे गलत तथ्य दिएको भन्दै हुम्लाका सहायक प्रमुख जिल्ला अधिकारीलाई स्पष्टिकरण सोधेको छ ।
मन्त्रालयले हुम्लामा चीनले सीमा अतिक्रमण गरेको विषयमा सञ्चारमाध्यममा गलत सूचना दिएको भन्दै सहायक सिडिओ दत्तराज हमाललाई स्पष्टिकरण सोधेको हो ।
प्रमुख जिल्ला अधिकारी चिरिञ्जीवी गिरीले हमाललाई कामुको जिम्मेवारी दिएर सीमा अतिक्रमणको विषयमा थप जानकारी लिन नाम्खा गाउँपालिकास्थित सीमामा गएका छन् ।
हमाललाई २४ घण्टाभित्र स्पष्टिकरण पठाउन गृहले पत्र काटेको स्रोतले जानकारी दियो । गृहले सीमाको विषयमा परराष्ट्र मन्त्रालयले बोल्ने भन्दै सञ्चारमाध्यमलाई गलत सूचना किन दिएको ? भन्दै स्पष्टिकरण सोधेको हो ।
‘सीमा विवाद सम्बन्धी समस्या परराष्ट्र मन्त्रालय मात्रै बोल्न मिल्छ । प्रमुख जिल्ला अधिकारी निरीक्षणमा गएकाले थप पुष्टि नहुने कुरा बोल्न मिल्दैन । त्यसैले उहाँलाई २४ घण्टै स्पष्टिकरण सोधिएको हो’, स्रोतले भन्यो ।
हमालले सीमा समस्याबारे गृह र परराष्ट्रलाई रिपोर्टिङ गरिएको बताएका थिए । उनले सिडिओ गिरी फिल्डबाट फर्किएपछि थप स्पष्ट हुने बताएका थिए ।
सिडिओ गिरी नेतृत्वको सीमा निरीक्षण टोलीले ११ नम्बर पिल्लर फेला पारेको छ । हराएको भनिएको उक्त पिल्लर हुम्लाको नाम्खा गाउँपालिकाको वडा नम्बर ६ स्थित लिमीको माथि ताकुलेकमा भेटिएको गाउँपालिका अध्यक्ष विष्णु बहादुर तामाङले जानकारी दिए । उनले चीनले भवन बनाएको ठाउँबाट पिलर भेटिएको ठाउँसम्म पुग्न दुई दिन लाग्ने बताए ।
परराष्ट्र मन्त्रालयले हुम्लामा चीनसँग सीमा विवाद नभएको र चीनले भवन निर्माण गरेको स्थान चिनियाा भूभाग भएको बताएको छ । त्यस्तै नेपालस्थित चिनियाँ दूतावासले पनि भवन निर्माण गरेको क्षेत्र आफ्नै भएको बताएको छ । दूतावासले भवन निर्माण गरेको स्थानबारे पहिचान गर्न नेपाललाई आग्रह गरेको छ । रासस

सम्बन्धित

बाँके ट्राफिकको आयोजनामा सर्बसाधारणलाई ट्राफिक नियमबारे प्रशिक्षण

बांकेमा कार्यरत राष्ट्रिय अनुसन्धानका थापाको हत्या

एक बैंकको एटिएम अर्को बुथमा प्रयोग गरे अबदेखि पैसा लाग्ने

कटुवा पेस्तोल र एक राउण्ड गोलीसहित एकजना पक्राउ

स्रोत नखुलेको ९ लाख ४० हजार सहित २ जना पक्राउ

नेकपा विप्लवद्वारा माघ १० गते नेपाल बन्दको घोषणा