तेज वली
दाङ तुलसीपुर शुक्रवारको माइकिङमा प्रहरीले प्राय सवै तुलसीपुर बजारबासीलाइ अनुरोध गरीसकेको छ । तुलसीपुरको क लाइनको सडक व्यवस्थापनलाइ विशेष ध्यानदिएपनि प्रहरीले तुलसीपुर उपमहानगरपालिकाका हात्तिखौवादेखि बसपार्क क्षेत्र र सल्यान रोडदेखि गुम्राहचौक सम्म तथा अन्य सहायक लाइनहरुमा पनि माइकिङगरेर जानकारी गराइसकेको छ ।
‘सवैलाइ जानकारी गराइसकेका छौं, कि तपाइहरुले फुटपाथमा व्यापार नगरीदिनुहोला, अव्यवस्थीत पार्किङ नगरीदिनुहोला, ठेला व्यापारले पनि सडक अवरोध हुने अवस्था नहोस्, अव यसलाइ अवाज्ञा गरेमा आइतवारदेखि यसरी गरीएका व्यापार र गरिएका अव्यवस्थीत पार्किङलाइ पुर्ण रुपमा हटाउने छौं’—इलाका प्रहरी कार्यालय तुलसीपुरका डिएसपी शिव वहादुर सिंहले भनेका छन् । स्थानिय सरकारसंगको समन्वय र सहकार्य तथा इलाका ट्राफिक प्रहरी तुलसीपुरसंगको सहयोगमा प्रहरीले यो अभियान थालेको हो । अटेरगरी पार्किङ गरिएका सवारीसाधनहरुको ह्वील लक समेत गर्न सकिने प्रहरीले जनाएको छ ।
सांघुरो सडक र बढ्दो ट्राफिक चांपसंगै पछिल्लो समय तुलसीपुर अक्रान्त छ । त्यसमा पनि अव्यवस्थीत ठेला व्यापार र फुटपाथनै नरहनेगरी गरीने व्यापारले पैदलयात्रुलाइ पनि सवारी गुड्ने सडकबाटै हिंड्न बाध्य बनाएको छ । जसका कारण दुर्घटनाको जोखिम समेत बढिरहेको इलाका प्रहरी कार्यालयका प्रमुख डिस्पी सिंहले बताए । अव्यवस्थीत फुटपाथ गरेर अटेरगरे ती सामानहरु टेक्टरमै राखेर प्रहरीले नियन्त्रणमा लिन सक्ने पनि उनको अभिव्यक्ति थियो । पार्किङको समस्या आफुले पनि बुझेको बताउंदै उनले कम्तिमा पनि सोझोगरी मिलाएर राख्न भन्दा पनि सवारीधनीले अटेर गर्दै मनोमानी रुपमा पार्किङ गरीरहेको प्रहरीको ठम्याइ छ । त्यसैले त्यसरी अटेरगरी पार्किङ गरेका सवारीसाधनलाइ पनि प्रहरीले नियन्त्रणमा लिएर नियम वमोजिम कारवाहि गर्ने इलाका प्रहरी प्रमुख सिंहले बताए । ‘नियम जानीजानी पनि अटेरगरी जसले सडकमा सवारी पार्किङ गरेको छ, उ ट्राफिक कारवाहिबाट उम्कन सक्ने छैन’—ट्राफिक प्रहरी कार्यालय तुलसीपुरका इन्चार्ज चन्द्र केसीले बताएका छन् । ट्राफिक समस्या एकातिर रहेको भएपनि विकल्प हुंदाहुंदै पनि नियम मिचेर पार्किङ गर्ने प्रबृत्ति रहेको बताउंदै उनले अव प्रहरी यस्ता चरीत्रका विरुद्ध एक्शनमै जाने पनि बताए ।
लागुऔषध दुव्र्यसनी न्युनिकरण अभियान, गुण्डागर्दि नियन्त्रण, यौनजन्य अपराध तथा टोलसुरक्षाको अभियानपछि पछिल्लो समयमा तुलसीपुर इलाका प्रहरी कार्यालय बजार व्यवस्थापनको अभियानमा लागेको हो । चाडपर्व नजिकिएसंगै बजारमा हुने भिडभाडलाइ व्यवस्थापन गर्नु मुख्य दायित्व रहेकाले यो अभियानमा लागिएको प्रहरी प्रमुखको भनाइ थियो । व्यवसायीक सुरक्षाकालागी बजारका मुख्यमुख्य क्षेत्रमा सिसि क्यामेरा जडान भैसकेको बताउंदै प्रहरीले सडकै अवरोधहुनेगरी हुने ठेला व्यापार पनि व्यवस्थीत गर्ने अभियानमा छ । ठेला व्यापारलाइ व्यवस्थापन गर्न स्थानिय पालिकासंग पनि समन्वय भैरहेको पनि उनले बताएका छन् ।
पर्व नजिकिएसंगै कोरोना भाइरसको संक्रमणको जोखिम पनि उच्च रहेकाले उच्च सतर्कता अपनाएर व्यापार व्यवसाय सन्चालन गर्न पनि प्रहरीले व्यवसायी तथा बैंक र वित्तिय संस्थाहरुलाइ आग्रह गरेको छ । व्यवसायीहरुलाइ अनिवार्य रुपमा मास्क लगाउन तथा सामाजिक दुरी कायम गरेर व्यापार व्यवसाय सन्चालन गर्न पनि सुरक्षा निकायले अनुरोध गर्दै आएको छ ।
