ABC Sanchar
काठमाडौं नेपाल विद्युत प्राधिकरणका प्रमुख कार्यकारी कुलमान घिसिङ कार्यकाल सकिएर विदा भएपछि अघोषित रुपमा लोडसेडिङ हुन थालेको आशंका व्यक्त भइरहेको बेला आइतबार काठमाडौंमा मुख्य क्षेत्रमा विद्युत आपूर्ति रोकिएको छ ।
तर विद्युत आपूर्ति लोडसेडिङको रुपमा नभइ नेपाल विद्युत प्राधिकरणको लैनचौर सबस्टेशनको प्यानल बोर्डमा मुसा पसेपछि काठमाडौंका मुख्य क्षेत्रमा विद्युत आपुर्ति रोकिएको हो ।
नेपाल विद्युत प्राधिकरणले सूचना जारी गर्दै लैनचौर सबस्टेशनबाट विद्युत आपुर्ति हुने बागबजार, नारायणहिटी दरबार, लैनचौर, लाजिम्पाट, महाराजगञ्ज, पानीपोखरी, गैह्रीधारा, ठमेल, सामाखुसी, टंगाल, बबरमहललगायतका क्षेत्रमा आइतबार लाइन अवरूद्ध भएको जनाएको छ ।
समस्या सुल्झाउन प्राधिकरणले मर्मत टोली खटाएको छ । दिउँसो ३ बजेदेखि अवरूद्ध विद्युत आपुर्ति सुचारू हुन अझै केही समय लाग्ने प्राधिकरणले जनाएको छ ।

सम्बन्धित

बाँके प्रहरीले ब्राउन सुगरसहित एकजना पक्राउ

नेपाल पत्रकार महासंघको नयाँ अध्यक्षमा विपुल पोख्रेल निवार्चित

बाँके प्रहरीले रेडपाण्डाको छालासहित ४ जना पक्राउ

दाङको देउखुरी राजपुरमा आगलागी हुँदा लाखौंको नोक्सान

ज्ञानज्योती माध्यमिक विद्यार्थीले गरे सरसफाइ र राहत वितरणबाट

बर्दिया एसपी ईश्वर कार्की प्रवल जनसेवाश्रीद्वारा बिभुषित सम्मानित