प्रदेश नम्बर ५ को १२ वटै जिल्लामा एउटै मापदण्डको चेकिङ व्यरिकेट राखियो

प्रकशित मिति : १३ आश्विन २०७७, मंगलवार १२:३२

तेज वली ५. नम्बर प्रदेश प्रहरी कार्यालय तुलसीपुरले एक कार्यक्रमको आयोजना गर्दै ट्राफिक र प्रहरीले आकस्मिक र नियमित चेकजाँचलाई थप व्यवस्थित गर्न एउटै मापदण्ड र एउटै साईजका व्यरिकेटहरु सबै जिल्लाहरुमा लागु गरिएको जानकारी गराएको छ ।
कार्यक्रममा ५ नम्बर प्रदेश प्रहरी कार्यालय तुलसीपुरका प्रवक्ता एवम प्रहरी वरिष्ठ उपरिक्षक राजकुमार बैदवारले प्रहरीले चेकजाँचका क्रममा नागरिकहरुलाई सास्ति नहोस् भन्ने उद्देश्यले एउटै किसिमको व्यरिकेट सडकमा राखिएको बताए ।
कार्यक्रममा वडा नम्बर ६ का वडा अध्यक्ष नवराज लामिछाने, ईलाका प्रहरी कार्यालय तुलसीपुरका डिएसपि शिब बहादुर सिंह, तुलसीपुर उद्योग वाणिज्य संघका अध्यक्ष विरबहादुर रावत, मजदुर नेता एवंम व्यवसायी केशब भण्डारी लगायतले चाडपर्व नजिकिए संगै सडकमा हुने चापलाई व्यवस्थित गर्न सबै क्षेत्रको सहयोग आवश्यक रहेको बताएका थिए ।
यस्तै तुलसीपुर प्रहरीले केहि दिन यता फुटपाथमा जथाभावी पार्किङ गरि राखिएका मोटरसाईकल र साना गाडीहरुलाई जरिमाना गर्न सुरु गरेको छ । सोमबार पनि कार्वाही प्रकृयालाई निरन्तरता दिएकोे ट्राफिक कार्यालय तुलसीपुरका प्रमुख चन्द्र केसीले बताए ।
सोमबारमात्रै २४ वटा मोटरसाईकल नियन्त्रणमा लिईएको छ भने थप २४ वटालाई अनद स्पट कार्वाही गरिएको बताइएको छ । त्यस्तै ट्राफिक नियम उल्लघन गरेको भन्दै दुईवटा गाडीमा ह्वील लक लगाईएको छ । यो अभियान एकहप्ता सम्म संचालन हुने छ ।