देउखुरी क्षेत्रको शान्ति सुरक्षा चुस्तदुरुस्त बनाउने निरीक्षक:भट्टले

प्रकशित मिति : १३ आश्विन २०७७, मंगलवार १९:११

सन्तोष थापा क्षेत्री
दाङ भर्खरै सरुवा भएर आउनुभएका इलाका प्रहरी कार्यालय भालुवाङका प्रहरी प्रमुख प्रहरी निरिक्षक भुवन भट्टले आफ्नो कार्यकालमा देउखुरी क्षेत्रको शान्ति सुरक्षा चुस्त दुरुस्त बनाउने बताएका छन् । प्रहरी प्रधान कार्यालय नक्साल काठमाण्डौं श्रव्यदृश्य शाखाबाट भर्खरै सरुवा भएर दाङको भालुवाङमा आइपुगेका प्रहरी निरिक्षक भट्टले सोमवार कार्यालयमा राप्ती गाउँपालिका क्षेत्र भित्रका पत्रकारहरु सँगको भेटघाटमा सो कुरा बताएका हुन् । उनले राप्ती गाउँपालिका सहित आफ्नो कार्यक्षेत्र भित्र शान्ति सुरक्षा अमनचयन कायम राख्ने बताए ।
उनले समाजमा हुने अपराधिक क्रियाकलाप हत्या, हिंसा, दुर्घटना लगायतका विषयमा विभिन्न सरोकारवाला निकाय तथा सञ्चारकर्मीहरु सँग परामर्श लिने पनि बताएका छन् । प्रहरी निरिक्षक भट्टले जनचेतनामुलक कार्यक्रमबाट अपराध रहित सभ्य समाजको निमार्ण गर्ने योजना रहेको पनि बताए ।
साथै उनले प्रहरीको आचार र व्यवहारमा परिवर्तन गरी नागरिक र प्रहरी बिचको सम्बन्धलाई नङ मासुको जस्तै बनाउने तथा प्रहरी साझेदारी कार्यक्रम अनुसार अगाडी बढ्ने, कसैको दवाफमा नपरी पुर्वग्राही तरिकाले अनुसन्धान गर्ने, पिडितलाई न्याय तथा पिडकलाई कडा कारवाही गर्ने पनि बताएका छन् । भने केहि घटना समाजबाट मिल्ने खालका भए समाजकै अग्रजहरुको सल्लाह सुझाव अनुसार मिलाउने पनि बताएका छन्
पत्रकार भेटभाट कार्यक्रममा एबिसी संचारका प्रमुख सम्बादाता एवं खबर 24 नेपालका बिदुर एमसी देउखुरी टुडे पत्रिका प्रकाशक/सम्पादक सन्तोषकुमार गुप्ता, राप्ती दर्पण टेलिभिजनका समाचार प्रमुख ओमप्रकाश गुप्ता राप्ती अनलाइनका भिसुन शाही, राप्ती पोष्टका प्रतिनिधी जमिर शाहा, लगायतका सहभागिता रहेको थियो । केहि दिन अघि इलाका प्रहरी कार्यालय भालुवाङका प्रहरी निरिक्षक गंगाबहादुर सारुको संघिय प्रहरी कार्यालय भैरहवा सरुवा भएपछि नयाँ प्रहरी प्रमुखको रुपमा भट्ट आए सँगै पहिलो पटक पत्रकारहरु सँग भेटघाट गरेका हुन् । उनले आजैबाट कामकाज सुरु गरेका छन् ।

प्रकशित मिति : १३ आश्विन २०७७, मंगलवार १९:११