सशस्त्र प्रहरीद्वारा ५२ किलो गाँजा पक्राउ

ABC Sanchar
काठमाडौं कमवानपुरको हेटौडा उपमहानगरपालिका-१२ रमनटार स्थित राप्ती खोलाको किनारबाट सोमबार एपीएफ टोलीले करीव ५२ किलो गाँजा बरामद गरेको छ ।
सशस्त्र प्रहरी बल, नेपाल आईराटी पोष्ट कत्लेखोलाबाट खटिएको एपीएफ टोलीलाई देख्नासाथै ना २ ह १३१० नम्बरको अटोका चालक उक्त अटो सोही ठाउँमा छाडी फरार भएपछि सो अटोमा जाँच गर्दा उल्लेखित गाँजा फेला परेको हो ।
एपीएफ टोलीले त्यसवेला उक्त अटो समेत बरामद गरेको छ । बरामद गाँजा तथा अटो स्थानीय प्रहरीमा बुझाईएको छ ।
यसैगरी सिरहाको सुखिपुर नगरपालिका-४ बनैनिया चोकबाट सोमबार एपीएफ टोलीले करीव १९ किलो गाँजा बरामद गरेको छ ।
को २९ प १४८७ नम्बरको मोटरसाईकलमा राखी नेपालबाट भारततर्फ लैजाँदै गरेको उक्त गाँजा सशस्त्र प्रहरी बल, नेपाल सुरक्षा वेश सुखिपुरबाट खटिएको एपीएफ टोलीले बरामद गरेको हो ।
त्यसवेला गाँजा ल्याउँने व्यक्ति एपीएफ टोलीलाई देख्नासाथै उक्त गाँजा र मोटरसाईकल छाडी फरार भएका थिए । बरामद गाँजा तथा मोटरसाईकल स्थानीय प्रहरीमा बुझाईएको छ ।