मनोज डाँगी
नगरौ बाल बिबाहका कुरा,पुगेको छैन २० बर्ष उमेर पुरा” भन्ने नाराका साथ समुदाय प्रहरी साझेदारी कार्यक्रम अन्तर्गत बाल बिवाह न्युनिकरण सम्बन्धि जनचेतना अभिबृदी गर्ने उद्देश्यका साथ ईलाका प्रहरी कार्यालय बाबियाचौर सुर्खेतले घर दैलो कार्यक्रम सुभारम्भ गरेको छ!शुभारम्भको पहिलो दिन आज मिति २०७७/०६/१६ गते पन्चपुरी नगरपालिका वडा न ५ र ६ का गाउँ बस्तिमा घर दैलो कार्यक्रम सप्पन्न गरेको छ। ईलाका प्रहरी कार्यालय बाबियाचाैरका प्रहरी सहायक निरीक्षक हरिष साउद र राजेश के.सी, त्यसै गरि पन्चपुरी नगरपालिका नगर कार्य समिती सदस्य रुक्मी देवकोटा ,सोही नगरपालिका वडा न ६ का वडा अध्यक्ष खडग बहादुर थापा,आवाज सस्था बाबियाचौरका प्रमुख तेज बहादुर रोकाय र समूह प्रा.वि.बाबियाचौरका प्रधानाध्यापक प्रेम बिष्ट समेत को उपस्थितिमा घर दैलो कार्यक्रम अन्तर्गत पहिलो दिन वडा न ५ र ६ का बस्तीमा कार्यक्रम जनचेतनामुलक कार्यक्रम सम्पन्न गरेको छ। ईलाका प्रहरी कार्यालय बाबियाचौरका प्रमुख राम सिंह बिष्टका अनुसार
यस घर दैलो अभियान बाट शान्तिपुर्ण र अपराध रहित समाज निर्माणमा टेवा पुग्ने,जनस्तरमा जनचेतनाको बिकासका साथै आम नागरीकको भावना र समस्या घर दैलोमा गई नजिक बाट उनिहरुका गुनासो बुझी आम नागरिकमा सुरक्षाको प्रत्याभूति दिलाउन सक्ने बिश्वास लिएको बताउछ्न।
