दाङको कोइलाबाँसबाट भारतीय अबैध खसी सशस्त्र प्रहरीद्वारा पक्राउ

प्रकशित मिति : १७ आश्विन २०७७, शनिबार १३:०४

बिदुर एमसी दाङ राजस्व छलेर नेपाल ल्याउदै गरेको खसी सहित एक मिनि ट्रकलाई प्रहरीले नियन्त्रणमा लिएको छ । रा १ ख १३१५ नम्बरको मिनि ट्रकमा ६२ वटा खसी कोइलाबास भन्सारबाट दाङ तर्फ ल्याउदै गरेको भन्ने सुचनाको आधारमा सशस्त्र प्रहरी बल नेपाल २९ नम्बर हेड क्वाटर ज्वालामाई भालुवाङको संयुक्त टोलीले शुक्रबार राती कोइलाबास नजिकैबाट नियन्त्रणमा लिएको हो। खसी कस्ले कसरी ल्यायो भन्ने बारे कुनै जानकारी छैन, सशस्त्र प्रहरीको गस्ती टोलिलाई देखे पछि केही मानिसहरु भागेका थिए । झण्डै ७ लाख बराबरका खसीबोका रहेको छ्न ।
बिचौलियाको साहारामा चोर बाटो हुँदै भारतबाट नेपाली भुमीमा ल्याउने र नेपाली गाडी प्रयोग गरेर नेपालका विभिन्न बजार सम्म पुर्याउने उदेश्य देखिन्छ एसपी खनालले भने ।
रा १ ख १३१५ नम्बरको मिनि ट्रक सहित पक्राउ परेका ६२ वटा खसीलाई नेपालगन्ज भन्सार कार्यालयमा बुझाउने तयारी भैरहेको सशस्त्र प्रहरी बल नेपाल २९ नम्बर हेड क्वाटर भालुवाङका सशस्त्र प्रमुख एसपी टोप बहादुर खनालले जानकारी दिए ।