दाङबाट १८ जना जुवाडे पक्राउ

प्रकशित मिति : १८ आश्विन २०७७, आईतवार ०७:३६

तेज वली दाङ राप्ती र बबई गाउँपालिकामा अबैध रुपमा जुवा खेलिरहेका उनीहरुलाई पक्राउ गरिएको हो । उनीहरुको साथबाट ५ लाख २२ हजार एक सय १५ रुपैँया बरामद गरिएको छ ।
शुक्रबार राति साढे १० बजेतिर राप्ती गाउँपालिका वडा नं. ५ सिसहनिया स्थित दर्शन खाजा घरको कोठामा जुवातास खेलिरहेको अबस्थामा दुई लाख ६० हजार १२५ रुपैंया र चार गड्डी खोलेको तास तथा ४२ गड्डी नखोलेको तास सहित १० जनालाई पक्राउ गरिएको जिल्ला प्रहरी कार्यालय दाङका प्रहरी नायब उपरीक्षक सुमित खड्काले जानकारी दिए ।
पक्राउ पर्नेमा राप्ती गाउँपालिका ७ बस्ने ३७ वर्षीय दिपेन्द्र बिक्रम शाह, राप्ती ५ बस्ने २९ वर्षीय मोहन गाहामगर, वडा नं. ७ बस्ने २८ वर्षीय नारायण रोकामगर, वडा नं. ८ बस्ने ३० वर्षीय श्याम गुरुङ, वडा नं. ४ बस्ने २८ वर्षीय बसन्त बेल्वासे, वडा नं. ४ बस्ने ३० बर्षीय लक्ष्मण गिरी, वडा नं. ५ बस्ने ३० वर्षीय छोटेलाल चौधरी, वडा नं. ८ बस्ने ४५ वर्षीय बेलसिंह भैयामगर, वडा नं. २ बस्ने ३८ वर्षीय युवराज बुढा र रोल्पा सुनिलस्मृती गाउँपालिका ७ का २८ वर्षीय नारायण रोका मगर रहेका छन् ।
त्यस्तै शुक्रबार नै बबई गाउँपालिका ३ धनुवास स्थित केशव भन्ने केश कुमार विकको घरमा जुवातास खेलिरहेको अवस्थामा दुईलाख ६१ हजार ९ सय ९० रुपैयाँ र एक गड्डी ताससहित आठ जनालाई पक्राउ गरिएको छ । इलाका प्रहरी कार्यालय खिलतपुरले उनीहरुलाई पक्राउ गरेको हो ।
पक्राउ पर्नेमा बबई गाउँपालिका ३ धनुवास बस्ने ३७ वर्षीय केशकुमार विक, सोही ठाउँ बस्ने ४३ वर्षीय लोक बहादुर खड्का, ४९ वर्षीय पर्साराम बिक, २४ वर्षीय शेर बहादुर विक, २४ बर्षीय प्रेम पुन, वडा नं. ४ सुन्दरखाल बस्ने ३२ बर्षीय बिमल भन्ने बिन बहादुर घर्ती, सोही ठाउँ बस्ने २९ वर्षीय विक्की नेपाली र २९ वर्षीय भीम बहादुर भन्ने भाईलाल नेपालीलाई पक्राउ गरिएको हो । यस विषयमा अनुसन्धान भइरहेको छ ।