एबिसी संचार काठमाडौं जिल्ला स्वयम्भू एरियामा केही व्यक्तिहरुले प्रतिबन्धित पाटे बाघको छाला अबैध रुपमा बिक्रि वितरण गर्नको लागी लुकाई छिपाई ल्याएको छ भन्ने बिशेष सुचनाको अधारमा आज मिति २०७७/०६/१८ गते अं. १०:३० बजेको समयमा काठमाडौं जिल्ला का.म.न.पा. वड नं. १५ स्वयम्भू स्थित होटल प्लाजाको कोठा नं. २०८ मा अं. ९ फिट लम्बाई र २ फिट २ ईन्च चौडाई भएको प्रतिबन्धित पाटे बाघको छाला नगद रु.६,०००,०००।–(साठी लाख मात्र) मा बिक्रि वितरण गर्ने उद्येश्यले लिई आएका निम्न व्यक्तिहरुलाई प्रतिबन्धित छाला सहित महानगरीय अपराध महाशाखाबाट खटि गएको बिशेष अनुसन्धान टोलीले पक्राउ गरि ल्याएको ।
पक्राउ मानिसहरु:-
१) नाम:– टेक बहादुर तामाङ
उमेर :– ४३ बर्ष
ठेगाना:– जिल्ला धादिङ गल्छी गा.पा. वडा नं. ०५
हालको ठेगाना:- का.जि. गोलढुङ्गा
पेशा:- ज्यामी काम गर्ने
२) नाम:– सुजन थिङ
उमेर :– २८ बर्ष
ठेगाना:– जिल्ला धादिङ गल्छी गा.पा. वडा नं. ०५ पाल्चोक सागिने
पेशा:- दुनोट व्यापारी
३) नाम:– आशिष तामाङ
उमेर :– २७ बर्ष
ठेगाना:– जिल्ला धादिङ गल्छी गा.पा. वडा नं. ०५
पेशा:- कृषि
४) नाम:– सानुकान्छा थिङ
उमेर :– २४ बर्ष
ठेगाना:– जिल्ला मकवानपुर थाहा न.पा. वडा नं. ०८
हालको ठेगाना:- का.जि. गोलढुङ्गा
पेशा:- ड्राईभर
बरामद सामानहरु:-
पाटे बाघको छाला थान १ ।
अनुसन्धानबाट खुलेका कुराहरु:-
धादिङको स्थानिय व्यक्तिबाट टेकबहादुर तामाङले नगद रु. ३५,००,०००।–(रुपैंया पैंतिस लाख) मा खरिद गरी ल्याएको ।
उक्त पैसा स्थानिय अर्को व्यक्तिले लगानी गरेको भन्ने प्रारम्भिक अनुसन्धानबाट बुझिएको ।
उक्त छाला माथि उल्लेखित व्यक्तिहरुले रु. ६०,००,०००।–(रुपैया साठी लाख) मा बिक्रि गरी बाँडेर खाने, दशैं मनाउने मनशायले प्रलोभनमा परी बेच्न आएको भन्ने समेत प्रारम्भिक अनुसन्धानबाट बुझिएको छ ।
