ABC Sanchar
सल्यान जिल्ला ट्राफिक प्रहरी कार्यालय सल्यानले चालु आर्थिक बर्षको २ महिनामा पाँच लाख रुपैँया बढी राजस्व संकलन गरेको छ । ट्राफिक नियम पालना नगरेर सवारीसाधन चलाउनेहरुलाई कारवाही गर्दा चालुआर्थिक बर्षको पहिलो २ महिना साउन र भदौँमा मात्रैँ ५ लाख ७ हजार रुपैँया राजस्व संकलन भएको हो । यस अबधिमा ५ सय ९ वटा सवारीसाधन कारवाहीमा परेका छन् ।
जिल्ला ट्राफिक प्रहरी कार्यालय सल्यानका प्रमुख, प्रहरी सहायक निरीक्षक सन्दिप विकका अनुसार साउन महिनामा २ सय ८३ वटा सवारीसाधन कारवाही गर्दा २ लाख ८० हजार ५ सय रुपैया राजस्व संकलन भएको छ । यस्तै भदौँ महिनामा २ सय २६ वटा सवारीसाधन कारवाहीमा पर्दा २ लाख २६ हजार ५ सय रुपैँया राजस्व संकलन भएको छ ।
साउन महिनामा ८ वटा बसलाई कारवाही गर्दा ८ हजार, ३६ वटा ट्रकलाई कारवाही गर्दा ३६ हजार र ३३ वटा जीपकारलाई कारवाही गर्दा ३३ हजार राजस्व संकलन भएको छ । यस्तै १ सय ६४ वटा मोटरसाइकललाई कारवाही गर्दा १ लाख ५२ हजार, २४ वटा ट्याक्टरलाई कारवाही गर्दा २४ हजार र अन्य १८ सवारीसाधनलाई कारवाही गर्दा १७ हजार ५ सय राजस्व संकलन भएको छ ।
यस्तै भदौँ महिनामा ५ वटा बसलाई कारवाही गर्दा ५ हजार, ३३ वटा ट्रकलाई कारवाही गर्दा ३३ हजार र ३१ वटा जीपकारलाई कारवाही गर्दा ३१ हजार राजस्व संकलन भएको छ । यस्तै १ सय २४ वटा मोटरसाइकललाई कारवाही गर्दा १ लाख २५ हजार, २१ वटा ट्याक्टरलाई कारवाही गर्दा २१ हजार र १२ वटा अन्य सवारीसाधनलाई कारवाही गर्दा ११ हजार ५ सय राजस्व संकलन भएको कार्यालयको भनाई छ ।
कार्यालयका अनुसार जिल्लामा साउन महिनामा १४ वटा र भदौँ महिनामा ९ वटा गरी २३ वटा सवारी दुर्घटना भएका छन् । जसमा परेर एक जनाएको मृत्यू भएको छ भने ३६ जना घाइते भएका छन् । कार्यालय प्रमुख बिकले पछिल्लो समय सवारीसाधनको छड्के जाँचलाई थप कडाई गरिएको बताउनुभएको छ ।
कोरोना भाइरसको संक्रमण बढ्दै गएको अबस्थामा सवारीसाधनमा भिडभाड हुदाँ आमनागरिकमा पनि कोरोनाको संक्रमण बढ्नेसक्ने भएकाले आबश्यक सावधानी अपनाउदैँ सवारीसाधन चलाउन सुझाव दिइएको बताउनुभयो । उहाँले मास्क, स्यानिटाइजरको प्रयोग गर्न, भिडभाड नगर्न तथा सिट क्षमताको आधा मात्रै यात्रु राखेर सञ्चालन गर्न सुझाव दिइएको बताउनुभयो ।
यस अबधिमा सरकारले बनाएको स्वास्थ्य सुरक्षाको मापदण्ड विपरित सञ्चालन भएका आधा दर्जन बढी सवारीसाधनलाई कारवाही गरिएको उहाँको भनाई छ । यस्तै निर्धानित भाडादर भन्दा बढी भाडा लिने सवारीसाधनलाई पनि कारवाही गरिएको जिल्ला ट्राफिक प्रहरी कार्यालय सल्यानले जनाएको छ ।

सम्बन्धित

बाँकेमा सोमवार ३७ जना कोरोनामुक्तहरु भए डिस्चार्ज

तुलसीपुर प्रहरीले अपराधिक घटना रोक्न छ्ड्के भिग्रस चेकिङ

सुत्केरी महिलाले एम्बुलेन्स नपाएपछि पछी तुलसीपुर अस्पतालमा छट्पटिदै

धान काट्ने मेसिन कम्बाइनद्वारा धान काट्दै किसानहरु खुशी

दशैंको टिका साइत कति बजे छ ?

प्रदेश ५.को स्थायी राजधानी भालुवङमा तोकेपछि सरकारी जग्गाहरुको खोजी सुरु