राज्यले वेवास्ता गरेपछि पेट भर्न भारत जान बाध्यता नागरिकहरु

प्रकशित मिति : १९ आश्विन २०७७, सोमबार २०:०३

प्रिन्स मिश्रा
कृष्णनगर भारतबाट फर्केका नेपालीहरु भाेकाे पेट पाल्न पुन: भारत जानेक्रम बढेकाे छ।
भारतमा काेराेना संख्या बढ्दै गएपनि राज्यले जिवकाेपार्जनका लागि कुनै व्यवस्थापन नगरेकाले तीन हजार नेपाली कामका लागि भारत प्रवेश गरेका छन ।
लामो समय देखिको लकडाउन र कोरोना कहरले गर्दा खाना लाउन मुस्किल भएको भन्दै काम खोज्दै नेपालीहरु भारततिर गएका हुन । लकडाउन सुरु भएपछि नेपाल फर्किएकाहरु पनि कोरोना कहरका विचमै पुन भारतमा रोजगारीका लागी गएका प्रहरी नायब निरीक्षक रेशम बहादुर जीसीले बताएका छन । कृष्णनगर नाका हुँदै दाङ, बाँके, बर्दिया, सुर्खेत, कालिकोट, जुम्ला, सल्यान, रुकुम, रोल्पा बुटवल, अर्घाखाची , प्युठान, पाल्पा, लगायत जिल्लाका नेपाली कामका लागि भारत जाने गरेको स्थायी प्रहरी पोष्ट कृष्णनगरका नायब निरीक्षक जीसीले बताउनु भएको छ ।
भारतीय आधार कार्ड भएकालाई स्वदेश फर्किन दिएको बताउँदै उनले नेपाली नागरिकता भएकालाई नेपाल प्रवेश गर्न दिइएको जानकारी दिए । कामका लागि भारत जाने नेपालीको लर्को लागेको उनको भनाई छ । उनले भारतीय आधार कार्ड भएकालाई मात्र भारत जान दिएको बताए । दैनिक १०० जनाको हाराहारीमा कामका लागि भारत जाने गरेको उनको भनाई छ ।
लामो समयदेखि भारतमा बसेर आधार कार्ड बनाएकाहरु पछिल्लो समय भारत जान थालेको प्रहरी नायव निरीक्षक गयन्द्र गिरीले बताए । कोरोनाको संक्रमण बढेपछि मरे आफ्नै देशमा मरौँला भनेर फर्किएकाहरु भारतमा लकडाउन खुलेपछि कामका लागि भारत जान थालेको उनले स्पष्ट पारे । ‘नेपालमा काम नपाएर खान लाउन समस्या भएपछि कोरोनाको डरले फर्किएका नेपाली पुन भारत जान थालेका छन , उनले भने ।
उनले औषधि उपचार, औषधि खरिद, अन्तिम संस्कार, विरामी भेटघाट गर्न केहि छुट गरिएको बताए । वडा कार्यालयको रिफारिस र परिचय पत्र राखेर केहि समयका लागि नेपाल–भारत आवत जावत गर्न दिइएको छ उनले भने ।
कृष्णनगर नाकामा कडाई गरिएपछि आधार कार्ड नभएकाहरु कुकुरभुक्वा ,सेमरा नाका भएर जाने गरेका छन् । उक्त नाकामा आधार कार्ड नभए पनि सुरक्षाकर्मीले जान दिएको छ । आधार कार्ड नभएकाहरु बैकल्पिक बाटाे बाट भारत प्रवेश गर्न थालेपछि भीडभाड कम हुने गरेको छ ।

प्रकशित मिति : १९ आश्विन २०७७, सोमबार २०:०३