प्रदेश ५ को राजधानी दाङ भएको खुसीयालीमा दीप प्रज्ज्वलन

प्रकशित मिति : २१ आश्विन २०७७, बुधबार ०८:१३

सागर थापा
दाङ प्रदेश सभा बैठकले दाङको भालुवाङलाई प्रदेश ५ को राजधानी घोषणा गरेपछि उक्त निर्णयको दाङमा भब्य स्वागत गरिएको छ । जिल्लाका विभिन्न संघसंस्थाहरुले स्वागत गर्दै दीप प्रज्ज्वलन र नाचगान गरेका छन् । ५ नं. प्रदेशको नाम लुम्वीनी र त्यसको स्थायी राजधानी दाङ भएको छ । मंगलवार बसेको प्रदेशसभा बैठकले सरकारले ल्याएको प्रदेशको नामांकन र त्यसको स्थायी राजधानीको प्रस्ताव पारित गरेको छ
प्रस्तावमाथि भएको मतदानमा प्रदेश सभाको कुल सदस्य संख्या ८७ मध्ये उपस्थित ८२ सांसदहरुले मतदानमा सहभागिता जनाए । प्रदेशको राजधानी दाङको पक्षमा ६९ र विपक्षमा १३ मत खस्यो । सभाको कुल सदस्य संख्याको दुइ तिहाइ बहुमत प्रस्तावको पक्षमा आएपछि प्रदेशको राजधानी दाङ हुने प्रस्ताव पारित भएको सभामुख पूर्णबहादुर घर्तीले घोषणा गर्नुभयो ।
यसैगरी प्रदेशको नामका लागि ८३ सदस्यहरुले भाग लिएकोमा लुम्वीनी हुनुपर्ने पक्षमा ७९ मत विपक्षमा ४ मत खसेको छ । प्रदेशको राजधानी तोक्न सभाको दुइतिहाई मत हुनुपर्ने व्यवस्था छ ।