सागर थापा
काठमाडौं नेपालमा अब स्वीकृति नलिई नेपाल प्रहरीको पोशाक, दर्ज्यानी चिह्न र मोनोग्राम प्रयोग गर्न पाइने छैन। नेपाल प्रहरीले प्रहरी प्रधान कार्यालय, जनसम्पर्क तथा प्रचार–प्रसार इकाइले स्वीकृति नलिई नेपाल प्रहरीले प्रयोग गर्ने पोशाक, दर्ज्यानी चिह्न र मोनोग्राम प्रयोग नगर्न, नगराउन आग्रह गरेको हो। बिहीवार एक विज्ञप्ति प्रकाशित गर्दे नेपाल प्रहरीका प्रवक्ता प्रहरी वरिष्ठ उपरिक्षक कुवेर कडायतले चलचित्र, टेलिचलचित्र, म्युजिक भिडियो र टिकटकमा प्रहरीको पोशाक लगाएर भिडियो बनाउन नपाइने उल्लेख गरेका छन्।
प्रहरीको अनुमति बेगर पोशाक दुरुपयोग गरिए प्रचलित कानूनबमोजिम कारवाही हुने विज्ञप्तिमा उल्लेख छ।