विबेक गाहा झापा कमल गाँउपालिका वडा नम्बर २ त्रिवेणी चोकमा बस्ने ३४ वर्षीय रामजी थापाले आफ्नै श्रीमतीको खुकुरी प्रहार गरि हत्या गरेको जिल्ला प्रहरी कार्यालय झापाले जानकारी दिएकाे छ ।
थापा १ महिना अगाडि मात्र बैदेशिक राेजगारीबाट स्वदेश फर्किएका हुन् । उनले सामान्य घरायसी विवादमा आक्रोसित भएर घरैमा राखेको खुकुरी निकालेर घाँटीमा प्रहार गर्दा २४ वर्षीय रिता थापाको घटना स्थलमै मृत्यु भएको थियाे । शनिबार पौने पाँच बजे भएको उक्त घटनामा संलग्न थापालाई प्रहरी चौकी तोपगाछीले घटना स्थलबाटै नियन्त्रणमा लिएको छ ।
जिल्ला प्रहरी कार्यलय झापाका अनुसार घटनाको अनुसन्धान भईरहेकोले थप विवरण आउन बाँकी रहेको छ ।