महेन्द्र सिंह बाँके सशस्त्र प्रहरी बल विओपी जमुनाहले नेपाल भारत सीमानाकाबाट ९० हजार ४ सय रुपैयाँ मूल्य बराबरको अबैध सामान बरामद गरेकोछ । नेपालगन्ज उपमहानगरपालिका वडा नम्बर १५, टंकपसरी स्थित दशगजा नजिक भारतबाट नेपालतर्फ ल्याउदै गरेको अबैध सामाग्री सशस्त्र प्रहरीले बरामद गरेको हो ।
मोटरसाईकल पार्टस्, जुत्ता, पेन्ट, थान कपडा र केही खाद्यान्नका समानहरु सशस्त्र बल विओपी जमुनाहबाट खटि गएको सहायक प्रहरी निरीक्षक कमलविक्रम रेउलेको टोलीले उक्त सामान बरामद गरेको थियो ।
रेउलेको कमाण्डमा गस्तीमा गएको सशस्त्र प्रहरीलाई देखेपछि तस्कर उक्त अबैध सामान त्यही छाडेर भागेका थिए ।
मोटरसाईकल पार्टस्, जुत्ता, पेन्ट, थान कपडा र केही खाद्यान्नका समानहरु आवश्यक कारबाहीका लागि नेपालगन्ज भन्सार कार्यालयमा बुझाइएको सशस्त्र प्रहरी बाँकेले जानकारी दिएको छ ।