बाँके प्रहरी मन्दिर सरसफाइमा

प्रकशित मिति : ३ कार्तिक २०७७, सोमबार १८:२७

महेन्द्र सिंह बाँके प्रहरीले नजिकिदै गरेका नेपालीहरुको चाडपर्वहरु दशैं, तिहार तथा छठ पर्वहरुको अवसरमा नेपालगन्जमा रहेका धार्मिकस्थल मठ तथा मन्दिर सरसफाइको अभियान संचालन गरेको छ ।
अभियान अन्तर्गत आज नेपालगन्ज २, मा रहेको हिन्दुहरुको प्रसिद्ध धार्मिकस्थल बागेश्वरी मन्दिरको परिसर वरिपरि सरसफाइ गरेको प्रहरीले जनाएको छ ।
जिल्ला प्रहरी कार्यालय बाँकेका प्रहरी निरीक्षक सुरज खत्रीको कमान्डमा खटिएको प्रहरी टोलीले आज बिहान बागेश्वरी मन्दिर वरिपरि सरसफाइ गरेको हो ।
बाँके प्रहरीले निजिकिदै गरेका चाडपर्वलाई मध्येनजर गर्दै हुनसक्ने सम्भावित अपराधलाई नियन्त्रण गर्नका लागि जिल्लामा विभिन्न १४ बुँदे विशेष सुरक्षा योजनालाई पनि सङसङै अगाडी बढाएको छ । प्रहरीले सामाजिक कार्य अन्तर्गत आजबाट मठ मन्दिरको सरसफाइको सुरुवात गरेको जनाएको छ ।