प्रकशित मिति : ४ कार्तिक २०७७, मंगलवार ०६:३४

सागर थापा
दाङमा अमेरिकी डलर देखाएर सर्वसाधारणलाई ठगी गर्ने तीन जना पक्राउ परेका छन्।
जिल्लाको लमही नगरपालिका वडा नं. ९ अमिलिया बजारबाट गएराति सादा पोशाकका प्रहरीले डलर देखाएर ठगी गर्नेलाई साढे दश बजेतिर पक्राउ गरेका हुन्।
पक्राउ पर्नेमा एकजना बाँकेको कोहलपुरका पुरुष, एक जना धादिङकी महिला र अर्का एक जना हेटौंडाका पुरुष रहेको प्रहरी स्रोतले जानकारी दिएको छ।
उनीहरुले बाहिर–बाहिर अमेरिकी डलर र त्यसभित्र सबै कागज मिलाएको बण्डल बनाएर डलर साट्ने नाममा सर्वसाधारणलाई ठग्दै आएको प्रहरीले बताएको छ।
सर्वसाधारणलाई झुक्याएर ठगी गर्दै आएको थाहा पाएपछि प्रहरी आफैं ग्राहक बनेर उनीहरुलाई पक्राउ गर्न सफल भएको हो। ‘हामीसँग उनीहरुको डिल भए ८ लाख रुपैयाँ लिएर अमिलिया पुगेका थियौँ’ एक प्रहरी अधिकारीले भने ‘उनीहरुले कागजको बण्डलमा बाहिर–बाहिर अमेरिकी डलेर राखेर भित्र सबै कागज राखेको अवस्थामा पक्राउ परे।’प्रहरी स्रोतका अनुसार उनीहरु सस्तोमा डलरी सटही गरिदिने भन्दै बाँकेबाट सार्वजनिक गाडी चढेर अमिलिया आएका थिए।
यसअघि भक्तपुर तथा सिन्धुपाल्चोकमा पनि यसैगरी सस्तो मूल्यमा डलर साटिदिने भन्दै ठगी भएको दाङ प्रहरी प्रमुख एसपी गणेश चंन्दले जानकारी दिनुभएको छ ।


सम्बन्धित

दर्ता विवरण

सूचना विभाग दर्ता नंः १३२५/०७५/७६

Twitter

Contact

सम्पादक – नुकेन्द्र प्रताप सिंह-
सम्पर्क-9848262615
संचालक – सागर थापा
सम्पर्क – 9847845918
email- [email protected]

Copyright © 2015-2021 AbcSanchar.com