महेन्द्र सिंह बर्दियामा अवैध रुपमा ओसारपसार भैरहेको सालको काठसहित एउटा ट्र्याक्टरलाई प्रहरी र बन कार्यालयको संयुक्त टोलीले नियन्त्रणमा लिएको लुम्बिनी प्रदेश प्रहरीले जनाएको छ । प्रहरीले बर्दियाको मधुवन नगरपालिका २ रजवारास्थित फरधुङ्गा सामुदायिक वन उपभोक्ता समुहको वनक्षेत्रबाट अवैध रुपमा चोरी निकासी भैरहेको अवस्थामा सोमबार भे१त ९३६३ नम्बरको ट्र्याक्टरमा लोड भएको ३३ थान सालको अवैध काठको हुन आउने अन्दाजी ३५ क्युफिट काठसहित ट्र्याक्टर नियन्त्रणमा लिएको जनाएको छ । ट्र्याक्टर चालक भने फरार रहेको र उनको खोजतलास जारी रहेको प्रहरीले जनाएको छ । प्रहरी चौकी कोठियाघाटका प्रहरी सहायक निरीक्षक दिनेश चदराको कमान्डमा रहेको प्रहरी र सव-डिभिजन वन कार्यालय सानोश्रीका फरेष्टर महेश बहादुर बुढाथोकीको संयुक्त टोलीले उक्त काठसहित ट्र्याक्टरलाई नियन्त्रणमा लिएको प्रदेश प्रहरीले जनाएको छ ।
