१६ चैत्र २०८०, शुक्रबार
29-03-2024 , Fri
×

८ वर्षीया बालिकाको अपहरण ३ घण्टामै सकुशल उद्धार गर्न सफल प्रहरी

Logo
प्रकाशित मंगलबार, कार्तिक ०४, २०७७

ABC क्राईमबिट
काठमाडौं सोमबार बेलुकी ७ः३० बजेको समयमा महानगरीय प्रहरी बृत्त सातदोबाटोमा फोनमार्फत एउटा जानकारी आयो, ललितपुरको महालक्ष्मी नगरपालिका–४ मनकामना चोकबाट ८ वर्षकी एक बालिका अपहरणमा परिन् ।
अपहरणको सूचना पाएलगत्तै बृत्तबाट डीएसपी मित्रबध्नु शर्माको कमाण्डमा प्रहरीको टोली तैनाथ भयो । अपहरणको सूचना आएकै क्षेत्र, महालक्ष्मी–४ मनकामना चोकबाटै प्रहरीले अनुसन्धान शुरु ग¥यो ।
बाराको सिम्रौनगढ नगरपालिका–१ घर भइ ललितपुरका महालक्ष्मी नगरपालिका–४ मनकामना चोक बस्दै आएकी गुड्डी आफ्नी ८ वर्षीया छोरी अनुखा साह अपहरणमा परेकी प्रहरीलाई बताइन् ।
घर बाहिर चोकमा खेलीरहेकी छोरीलाई नचिनेका व्यक्तिले साइकलमा राखेर लगेको भन्दै गुड्डीले प्रहरीलाई खबर गरेकी थिइन् ।
प्रहरीले मनकामना चोकमा भएका सीसीटिभी फुटेजको अध्ययन ग¥यो । सीसीटिभी फुटेज अध्ययन गर्दा नै अपहरणकारीको हुलिया पहिचान भइसकेको थियो ।
अपहरणमा परेको करिब ३ घण्टा पछि नै प्रहरीले अनुखाको सकुशल उद्दार ग¥यो । उनलाई ललितपुर महानगरपालिका–२९ हरिसिद्धीस्थित सिता परियारको कोठामा बन्धक बनाएर राखिएको थियो । अपहरणमा संलग्न रहेको आरोपमा प्रहरीले ३ जनालाई पक्राउ गरेको छ । पक्राउ पर्नेमा सर्लाहीको हरिवन–८ बासटोल घर भइ ललितपुरको हरिसिद्धी बस्ने ३० वर्षीय राजु कार्की, काभ्रेको नमोबुद्ध–८ घर भइ हरिसिद्धी नै बस्ने २३ वर्षीय सिता परियार र धनुषाको धारापानी गाउँपालिका–२ घर भइ हरिसिद्धी नै बस्ने ४० वर्षीय कृष्ण तोलामी छन् ।
प्रहरीका अनुसार पक्राउ परेकामध्ये ३० वर्षीय राजु कार्की अपहरणका मुख्य अभियुक्त हुन् । प्रहरीले बालिका अपहरणमा प्रयोग भएको फोनिक्स लेखिएको हरियो रंगको एउटा साइकल समेत बरामद गरिएको जानकारी दिएको छ ।रासस

कमेन्ट गर्नुहोस्
सम्बन्धित

(एबिसि संचार ) होली खेलेर सुनकोशीमा नुहाउने क्रममा तीन दिनअघि बेपत्ता भएका त्रियुगा नगरपालिका–१४ साउनेकी रेखा मगरको शव बुधबार बिहान फेला परेको छ । जिल्ला प्रहरी कार्यालय उदयपुरका अनुसार आज बिहान साउनेको धाप्लाङदेखि ६ किलोमिटर तल सूर्यढुङ्गा भन्ने स्थानमा १२ वर्षीया रेखा मगरको शव फेला परेको प्रहरीले जनाएको छ ।

(एबिसि संचार ) कैलालीको धनगढीबाट लागूऔषधसहित एक जना पक्राउ परेका छन्। जिल्लाको गोदावरी नगरपालिका–१० का २२ वर्षीय तेजबहादुर बोहरा लागुऔषधसहित पक्राउ परेका हुन्। धनगढी उपमहानगरपालिका–३ बाट उनी ५० मिलिग्राम ब्राउनसुगर र ९६ क्याप्सुल प्रिगाबा र १० क्याप्सुल एभिनसहित पक्राउ परेका छन्। 

(एबिसि संचार ) कञ्चनपुरमा डिभिजन वन कार्यालयभित्रै चितुवाले एक जनालाई आक्रमण गरेको छ। डिभिजन वन कार्यालय महेन्द्रनगरमा सशस्त्र वन रक्षकतर्फ जमदार पदमा कार्यरत अर्जुनसिंह थापालाई चितुवाले आक्रमण गरेको हो। डिभिजिन वन कार्यालयका प्रमुख भीम कडेलले चितुवालाई बेहोस बनाएर खोरमा हाल्ने क्रममा थापामाथि आक्रमण गरेको बताए। बेहोस भइसकेको ठानेर खोरमा लैजान खोज्दा चितुवा थापामाथि झम्टिएको थियो।