ABC क्राईमबिट
मोरङको रतुवामाईबाट १२ जना जुवाडे पक्राउ परेका छन्। रतुवामाई–७ को एउटा पोखरीको डिलमा तास खेल्दै गरेको अवस्थामा सोमबार राति पक्राउ गरिएको मोरङ प्रहरीले जनाएको छ।
पोखरीको डिलमा बसेर तास खेल्दै गरेको अवस्थामा राति ११ः५० बजेतिर १२ जनालाई पक्राउ गरिएको मोरङ प्रहरी प्रमुख एसपी सन्तोष खड्काले बताए। रतुवामाई–७ का ३४ वर्षीय गोपाल कटुवाल, ४३ वर्षीय गणेश कार्की, ३६ वर्षीय दिनेश बस्नेत, ४५ वर्षीय नरेन्द्र रिजाल, २५ वर्षीय गणेश गौतम, ३९ वर्षीय नन्दराज फुयाँल पक्राउ परेका छन्।
त्यस्तै ४२ वर्षीय फणिन्द्र बुढाथोकी, ४५ वर्षीय झंकराज कोइराला, ३८ वर्षीय रामभक्त भट्टराई, ४० वर्षीय सन्तोष रिजाल, ३० वर्षीय राम कार्की र ३२ वर्षीय मनोज उप्रेतीलाई प्रहरीले पक्राउ गरेको जनाएको छ।
प्रहरीका अनुसार १२ बुक तास, १४ हजार २ सय ७० रुपैयाँ, ६ सय मलेसियन सिंगेटका साथै को ३२ प ५१९२, को ३५ प ६१८६ र को २२ प ९३७९ नम्बरको मोटरसाइकल बरामद भएको छ। पक्राउ परेकाविरुद्ध प्रहरीले जुवा ऐनअन्तर्गत मुद्दा चलाउन अनुसन्धान थालेको जनाएको छ।रासस
