१६ चैत्र २०८०, शुक्रबार
29-03-2024 , Fri
×

सशस्त्र प्रहरीले साढे २३ किलो चरेससहित एक महिला पक्राउ

Logo
प्रकाशित बुधबार, कार्तिक ०५, २०७७

महेन्द्र सिंह बर्दिया सशस्त्र प्रहरीलाई विशेष सूचनाको आधारमा सहायक प्रहरि निनिरिक्षक टीकाराम मैनालीको कमाण्डमा खटिएको टोलिले नेपाल भारत सीमानामा पर्ने गुलरिया नगरपालिका–१, १० नम्बर गाँउबाट उक्त परिमाणको लागु औषध सहित रुकुम खलङ्गा बाफीकोट गाउँपालिका–८ डुले निवार्सी ३८ बर्षीय निर्मला बाठा मगरलाई पक्राउ गरेको हो ।
स्थानीय बुद्धि दमाईको घरमा चरेस लुकाएर राखिएको जानकारीका अधारमा गएराती करिब ११ बजे तिर छापा मारिएको सशस्त्र प्रहरी बलले जनाएको छ ।
पक्राउ परेकी महिलाको शरीरमा बेरीराखेको अवस्थामा ५.५ किलोग्राम अफिम र सोधपुछ र खोजतलासबाट थप २ ओटा व्यागमा लुकाइ राखिएको ५ किलोग्राम चरेस र १३ किलोग्राम अफिम फेला पारिएको सशस्त्र प्रहरी बल नेपाल नं.३१ गणका गणपति (एसपी) नरबहादुर रावतले जानकारी दिनुभयो । गणपति रावतले लागुऔषध ओसारपसारमा संलग्न अन्य फरार व्यक्तिको खोजी कार्य भैरहेको बताउनुभयो ।
सशस्त्र प्रहरीले पक्राउ परेकी महिलाको साथबाट २ थान नागरिकता, ३ थान मोबाईल र २ वटा व्याग फेला परेको छ । सशस्त्र प्रहरीका अनुसार बरामद लागु औषधको मुल्य रु.१ करोड ४९ लाख ५० हजार बराबरको रहेको छ ।
त्यसैगरी सशस्त्र प्रहरी बल नेपाल विओपि फुटाहाबाट सहायक प्रहरी निरिक्षक भुवनेश्वर न्यौपानेको कमाण्डमा गएको मोबाईल गस्ती टोलीले लागुऔषध नाइट्रोभेट–१० सहित २ जनालाई पक्राउ गरेको छ ।
पक्राउ पर्नेमा बढैयाताल गाउँपालिका–२ डाँफे बस्ने १८ बर्षिय बिष्णु गुरुङ्ग र सोही ठाउँका १७ बर्षिय सागर सुनार रहेका छन् । नेपाल भारत सीमा फुटाहा बोर्डरबाट नेपाल आउँदै गरेका उनीहरुमा माथि शंका लागि चेकजाँच गर्ने क्रममा उनीहरुको साथबाट लागुऔषध नाइट्रोभेट–१० भन्ने १६ चक्की र मास्क बोन्ड सोलुसन–५ पिस बरामद गरिएको सशस्त्र प्रहरी बल नेपाल नं. ३१ गणले जनाएको छ ।

कमेन्ट गर्नुहोस्
सम्बन्धित

(एबिसि संचार ) होली खेलेर सुनकोशीमा नुहाउने क्रममा तीन दिनअघि बेपत्ता भएका त्रियुगा नगरपालिका–१४ साउनेकी रेखा मगरको शव बुधबार बिहान फेला परेको छ । जिल्ला प्रहरी कार्यालय उदयपुरका अनुसार आज बिहान साउनेको धाप्लाङदेखि ६ किलोमिटर तल सूर्यढुङ्गा भन्ने स्थानमा १२ वर्षीया रेखा मगरको शव फेला परेको प्रहरीले जनाएको छ ।

(एबिसि संचार ) कैलालीको धनगढीबाट लागूऔषधसहित एक जना पक्राउ परेका छन्। जिल्लाको गोदावरी नगरपालिका–१० का २२ वर्षीय तेजबहादुर बोहरा लागुऔषधसहित पक्राउ परेका हुन्। धनगढी उपमहानगरपालिका–३ बाट उनी ५० मिलिग्राम ब्राउनसुगर र ९६ क्याप्सुल प्रिगाबा र १० क्याप्सुल एभिनसहित पक्राउ परेका छन्। 

(एबिसि संचार ) कञ्चनपुरमा डिभिजन वन कार्यालयभित्रै चितुवाले एक जनालाई आक्रमण गरेको छ। डिभिजन वन कार्यालय महेन्द्रनगरमा सशस्त्र वन रक्षकतर्फ जमदार पदमा कार्यरत अर्जुनसिंह थापालाई चितुवाले आक्रमण गरेको हो। डिभिजिन वन कार्यालयका प्रमुख भीम कडेलले चितुवालाई बेहोस बनाएर खोरमा हाल्ने क्रममा थापामाथि आक्रमण गरेको बताए। बेहोस भइसकेको ठानेर खोरमा लैजान खोज्दा चितुवा थापामाथि झम्टिएको थियो।