तेज वली
तुलसीपुर एम्बुलेन्स नपाइएपछि सुत्केरी हुन राप्ती प्रादेशिक अस्पताल तुलसीपुर पुगेकी घोराहीकी एक महिला घन्टौदेखि छटपटीमा हुनुहुन्छ । सुरक्षीत सुत्केरीका लागि अस्पताल पुग्नु भएकी घोराही उपमहानगरपालिका–१२ हापुर बगिया निबासी २४ बर्षकी विपना चौधरी एम्बुलेन्स नपाएपछि छटपटीदै अस्पतालमै हुनुहुन्छ ।
राप्ती प्रादेशिक अस्पतालका स्त्री तथा प्रसुति रोग विषशज्ञ डा. सुवाश लामीछानेले महिलाको प्रेसर हाई भएकाले सुत्केरी गराउँदा झड्का हान्न सक्ने भन्दै आईसीयु सेवा नभएकाले नेपालगंज रिफर गर्नुभएको थियो । बिहान ७ बजे रिफर गरेपनि नेपालगंज लैजाने एम्बुलेन्स नभएका कारण अस्पतालमै बस्नु परेको विपनाका ससुरा रामजी चौधरीले बताउनु भयो । अघि पछि बिरामी कुरेर अस्पतालको प्राङ्गन अघि पार्कीङ गरेर राखेका एम्बुलेन्सका चालक दशै मान्न घरतिर लागेपछि यस्तो समस्या आएको हुनसक्ने अस्पतालले बताएको छ । अधिकांस चालकको फोन सूइच अफ छ भने कसैको फोन उठेपनि नआउने बताउने गरेको चौधरीले बताउनु भयो ।
