महेन्द्र सिंह
गुलरीया बर्दियाको मधुवन नगरपालिका वडा नं ३ मा बाघको आक्रमणमा परी २ जनाको मृत्यु भएको छ । बाघको आक्रमणबाट मधुवन नगरपालिका वडानम्बर ३ बस्ने २७ वर्षीय दिनेश थारु र २६ वर्षीय रमेश चौधरीको मृत्यु भएको हो ।
धनौराको बेलझुण्डी सामुदायिक वनमा बाख्रा चराउन गएका दिनेश थारु लामो समयम्म वनबाट नफर्किएपछि रमेश चौधरी खोजीका लागि जंगल गएका थिए ।
जंगल गएका दुवै जना लामो समयसम्म पनि नफर्किएपछि स्थानीयले प्रहरीलाई खबर गरेका थिए । खोजी गर्ने क्रममा दुवै जना बाघले आक्रमण गरेको अवस्थामा मृत फेला परेका जिल्ला प्रहरी कार्यालय बर्दियाका डिएसपी योगेन्द्रकुमार खड्काले जानकारी दिए ।
