सागर थापा
दाङ कोरोना महामारीमा पनि यसवर्ष भौतिकरुपमै मानिसहरु दशैँको टिका थाप्न जाने गरेका छन् । एक ठाउँबाट अर्को ठाउँमा जाँदा कोरोना संक्रमणको जोखिम भएपनि अधिकांश मानिसहरु टिका थाप्नका लागि आफन्तकोमा जाने गरेका हुन् । टिका थाप्न जानेहरु विगत जस्तो उल्लेखनिय चहलपहल भने छैन् ।
कोरोना भएपनि वर्षदिनको चाड बडादशैँमा आफन्तकोमा जान लागेको तुलसीपुर–३ का रिमा पुनले बताउनुभयो । उहाँले भौतिकरुपमै उपस्थित भएपनि दुरी कायम गरी आर्शिवाद ग्रहण गर्ने बताउनुभयो ।
दाङका मुख्य बजार तुलसीपुर, घोराही, लमही, भालुबाङ, हापुरे लगायतका बजारमा आफन्तकोमा जाने मानिसहरुरको सडकमा चहलपहल तथा सार्वजनिक गाडीहरुमा मानिसहरुको चाप देख्न सकिन्छ । संक्रमण जोखिमको प्रवाह नगरी ठुलाबडा कहाँ आशिर्वाद ग्रहण गर्नका लागि मानिसहरु जाँदा चहलपहल देखिएको हो ।
सरकारले कोरोना संक्रमणको जोखिम बढ्दै गएको हुँदा जो जहाँ छौँ, त्यही बसेर दशै मनाउन आग्रह गरिसकेको छ । तर नागरिकस्तरबाट सरकारले तोकेको नियमको पालना हुन सकेको छैन् ।
