(ABC क्राईमबिट)
बारा भारतबाट सामान तस्करी ल्याएर आएकाहरुलाई नियन्त्रणमा लिन बारा प्रहरीले गोली चलाएको छ । जिल्लाका सुवर्णपुर गाउँपालिकाको कवहीगोठमा भारतबाट तस्करीका सामान ल्याएकाहरुलाई नियन्त्रणमा लिने क्रममा प्रहरीले गोली चलाएको हो ।
जिल्ला प्रहरी कार्यालय बाराका प्रमुख एसपी कृष्ण पंगेनीका अनुसार तस्करहरुले स्थानीयसँग मिलेर बुधबार राति सीमा क्षेत्रबाट प्याज ओसारेका थिए ।
तस्करी गरेर ल्याइएको प्याज नियन्त्रणमा लिने क्रममा तस्करको समूहसहित स्थानीय र प्रहरीबीच झडप भएको थियो । झडपलाई नियन्त्रणमा लिन प्रहरीले चलाएको गोली लागेर स्थानीय १४ वर्षीय रञ्जन यादव घाइते भएका छन् ।
‘अन्तिम अवस्थामा आत्मरक्षाका लागि हवाइ फायर गरिएको हो । हवाइ फायर गर्दा गोली लागेर १ बालक घाइते भएका छन्,’ बाराका प्रहरी प्रमुख एसपी पंगेनीले भने ।
प्रहरीको गोली लागी घाइते भएका रञ्जनको वीरगन्जस्थित बयोधा अस्पतालमा उपचार भइरहेको छ । स्थानीयका अनुसार चिकित्सकले रञ्जनको अवस्था गम्भीर रहेको जानकारी दिएका छन् ।
स्थानीयले ढुङ्गामुडा प्रहार गर्दा प्रहरीतर्फ ३ जना घाइते भएका छन् । प्रहरीतर्फ प्रहरी नायव निरीक्षक (सई) वीरेन्द्र गिरीसहित ३ जना घाइते भएका हुन् । घाइते ३ जनाको बाराको कलैयामा नै उपचार भइरहेको एसपी पंगेनीले जानकारी दिए ।

सम्बन्धित

डीआईजी सरुवा अझै एक हप्ता लाग्ने प्रदेश र सीआईबी जान दौडधुप जारी

बाँकेमा लकडाउन असार ७ गतेसम्म नामको मात्र लकडाउन सिडियो मौन

कञ्चनपुरमा ११ वर्षीया बालिकामाथि बलात्कार गरेको आरोपमा एकजना पक्राउ

बाँकेको फत्तेपुरमा प्रहरीको आफ्नै नयाँ भवनको उद्घाटन एवं हस्तान्तरण

देशैभर भीषण वर्षाको सम्भावना सतर्कता अपनाउन आग्रह

साविकका गाविस सचिवहरु विरुद्ध लाखौंको भ्रष्टाचार मुद्दा