ABC क्राईमबिट
पर्सा विषेश सुचनाको आधारमा गए राती जिल्ला पर्सा बिन्दाबासिनी गा.पा.वडा नं.३ स्थित पुग्दा BR 05S 3389, BR 05S 4158 र BR 05S 1143 नं.को मोटरसाईकलमा चल्ला लोड गरी भारत तर्फ लैजादै गरेको अवस्थामा सूचना अनुसार यस कार्यालयबाट खटि गएको प्रहरी टोलीलाई देख्ना साथ मोटरसाईकल तथा सो मा लोड रहेको कुखुराको चल्ला सोही स्थानमा नै छाडी मो.सा.चालकहरु भागी फरार भएकोले खोज तलास गर्दै जाने क्रममा जिल्ला पर्सा बीरगंज म.न.पा.वडा नं.५ स्थित खाली चौरमा रोकी राखेको ग १ क २५९० नं.को मिनी ट्रकको चालक जिल्ला धादिङ सितालेख गा.पा.वडा नं.२ बस्ने वर्ष २४ को कृष्ण बहादुर नेपाली, सह-चालक ऐ.ऐ.बस्ने वर्ष २९ को राम कृष्ण नेपाली र ना.३ च ३२४८ नं.को पिकअप गाडीको चालक जिल्ला चितवन कालिका न.पा.वडा नं.६ बस्ने वर्ष २४ को सुवर्ण कुम्हालसंग सोधपुछ गर्दा उक्त चल्ला चितवनबाट ल्याएको हो भनी बताएकोले उल्लेखित नं.का मोटरसाईकल, मिनि ट्रक र पिकअप गाडी सहित उक्त गाडीहरुमा रहेका कुखुराको चल्ला ३२६३२ गोटा बरामद गरी निज कृष्ण बहादुर नेपाली, राम कृष्ण नेपाली र सुर्वण कुम्हाललाई गाडी सहित निजहरुलाई आवश्यक कारवाहीको लागि जिल्ला पशु क्वारेन्टाईन सिर्सिया पर्सामा पठाईएको एसपी गगा पन्तले जानकारी दिनुभएको छ ।
