बिदुर एमसी दाङ देउखुरी आइडलले शनिवार राप्ती गाउँपालिका १ पाखापानीमा पत्रकार सम्मेलन गरेको छ । “कला साँस्कृतिक संरक्षण हाम्रो अभियान, लुम्बिनी प्रदेशको राजधानी भालुवाङ हाम्रो पहिचान” भन्ने मुल नाराका साथ लुम्बिनी प्रदेशका १२ जिल्लालाई कर्मथलो बनाई यस क्षेत्रको कला, संस्कृति र मौलिकतालाई उजागरण गर्ने गरी होटल पौवामा पत्रकार सम्मेलनको आयोजना गरेको हो ।
आइडलका डाइरेक्टर तथा कोरियोग्राफी धिरज देवकरले आइडलका बारेमा विस्तृत जानकारी दिएका थिए । उनका अनुसार आइडल ४ चरणमा हुने छ । जसमा पहिलो चरण कार्तिक २० र २१ गते राप्ती गाउँपालिका १ पाखापानी स्थित होटल पौवामा अडिसन राउण्ड, दोस्रो चरणमा कार्तिक २२ र २३ गते कोरोग्राफी राउण्ड, तेस्रो चरणमा मंसिर ६ गते सेमिफाइनल राउण्ड होटल पौवामै गरिने र चौथो चरणमा फाइनल राउण्डको मिति भने पछि तय गरिने आइडलका डाइरेक्टर तथा कोरियोग्राफी देवकरले जानकारी दिएका छन् ।
