सागर थापा दाङको घोराहीबाट प्रहरीले ३ लाख बढी रकम सहित ५ जना जुवाडेलाई पक्राउ गरेको छ । तीन लाख ५० हजार नगद सहित गएराती उनिहरुलाई पक्राउ गरेको जनाएको छ । घोराही १८ नवलपुरमा जुवा खेलिरहेको गोप्य सूचनाको आधारमा जिल्ला प्रहरी कार्यालय दाङबाट खटिएको सिबिल प्रहरी टोलीले उनीहरुलाई पक्राउ गरेको जिल्ला प्रहरी कार्यालय दाङका प्रहरी प्रमुख एसपी गणेश चन्दले जानकारी दिए । पक्राउ पर्नेहरुमा घोराही– १० का अनिल कुमार थापा, कमल रावत, केशब डाँगी, घोराही– १५ का बसन्त भण्डारी र धर्म ज्ञवाली रहेको चन्दले बताए । पक्राउ परेकालाई जुवा ऐन अनुसार मुद्धा दर्ता गरेर कारबाही हुने एसपी चंन्दले बताए ।
