१६ चैत्र २०८०, शुक्रबार
29-03-2024 , Fri
×

बागलुङ एक हप्तालाई बजार क्षेत्रमा लकडाउन घोषणा

Logo
प्रकाशित सोमबार, कार्तिक १७, २०७७

ABC Sanchar
बागलुङ नगरपालिका बागलुङ आगमी एक हप्तालाई बागलुङबजार नगर क्षेत्रका ‘लकडाउन घोषण गर्न सिफारिस गरेको छ । बागलुङ बजार क्षेत्रको समुदायस्तरमा कोरोना पहिचान भएपछि संक्रमण रोकथामको लागि नगरपालिकाले जिल्ला प्रशासन कार्यालय बागलुङलाई लकडाउन घोषण गर्न सिफारिस गरेको हो ।
यस अघि आईतबार विहान उद्योग वाणिज्य संघ बागलुङले संक्रमितको सम्पर्कमा रहेका व्यक्तिको कोरोना परीक्षण गर्ने सर्तसहित बन्दाबन्दी गर्न नगरपालिका र प्रशासनमा आफ्नो राय पेस गरेको थियो ।
एक हप्ता लकडाउन गर्न जिल्ला कोभिड–१९ संकट व्यवस्थापन समितिलाई सिफारिस गरेको नगरप्रमुख जनकराज पौडेलले जानकारी दिनुभयो । ‘व्यवसायिक तथा स्वास्थ्यकर्मीको राय अनुसार लकडाउनको सिफारिस गरेका छौँ’ मेयर पौडेलले भन्नुभयो–‘ जनताको सुरक्षा स्थानीय सरकारको प्राथमिकता हो ।’
कोरोना संक्रमितका सम्पर्कमा रहेका सबैको क्लोज कन्ट्याक्ट टे«सिङ्ग गर्नुपर्ने, बजारका पसलमात्र नभएर बैंक तथा वित्तिय संस्थासहित यातायात सेवाबन्द गरेर मात्रा लकडाउन गर्न उद्योग वाणिज्य संघले लिखित राय पेस गरेको थियो ।
व्यापार व्यावसायभन्दा नागरिकको स्वास्थ्य ठुलो विषय भएको उल्लेख गर्दै संघले सर्तसहितका लकडाउन न्युनतम १४ दिनसम्म गर्न सकिने राय पेस गरेको उद्योग वाणिज्य संघ बागलुङका महासचिव नरेश कँडेलले जानकारी दिनुभयो ।
बागलुङ बजारको केही व्यवसायी, राजनीतिकर्मी, कर्मचारी, जनप्रतिनिधि र पत्रकारमा शनिबार कोरोना पुष्टि भएको थियो । बजार क्षेत्रमा चहलपहल बढ्दै जाँदा संक्रमण थप फैलिने त्रासले बन्दाबन्दी स्वीकार गर्न उद्योग वाणिज्य संघ तयार भएको हो । विगतमा जस्तो बजार बन्दगर्न आग्रहनगरे पनि सर्तसहित बन्दाबन्दीको पालना गर्न उद्योग वाणिज्य संघले सहमति जनाएको छ ।
लकडाउन सम्बन्धी नगरपालिका र उद्योग वाणिज्य संघको लिखित आग्रह प्राप्त भएको जानकारी दिँदै बागलुङका प्रमुख जिल्ला अधिकारी सुरेश न्यौपानेले लकडाउनको मोडालिटीबारे छलफल गर्न सोमबार सर्वपक्षीय बैठक डाकेको जानकारी दिनुभयो । विगतमा जस्तो कार्यालय नै बन्द हुने गरी लकडाउन नहुने उहाँले संकेत गर्नुभएको छ । उहाँले बजार क्षेत्रका पसल बन्दको आग्रह भएको उल्लेख गर्नुभयो ।रासस

कमेन्ट गर्नुहोस्
सम्बन्धित

(एबिसि संचार ) होली खेलेर सुनकोशीमा नुहाउने क्रममा तीन दिनअघि बेपत्ता भएका त्रियुगा नगरपालिका–१४ साउनेकी रेखा मगरको शव बुधबार बिहान फेला परेको छ । जिल्ला प्रहरी कार्यालय उदयपुरका अनुसार आज बिहान साउनेको धाप्लाङदेखि ६ किलोमिटर तल सूर्यढुङ्गा भन्ने स्थानमा १२ वर्षीया रेखा मगरको शव फेला परेको प्रहरीले जनाएको छ ।

(एबिसि संचार ) कैलालीको धनगढीबाट लागूऔषधसहित एक जना पक्राउ परेका छन्। जिल्लाको गोदावरी नगरपालिका–१० का २२ वर्षीय तेजबहादुर बोहरा लागुऔषधसहित पक्राउ परेका हुन्। धनगढी उपमहानगरपालिका–३ बाट उनी ५० मिलिग्राम ब्राउनसुगर र ९६ क्याप्सुल प्रिगाबा र १० क्याप्सुल एभिनसहित पक्राउ परेका छन्। 

(एबिसि संचार ) कञ्चनपुरमा डिभिजन वन कार्यालयभित्रै चितुवाले एक जनालाई आक्रमण गरेको छ। डिभिजन वन कार्यालय महेन्द्रनगरमा सशस्त्र वन रक्षकतर्फ जमदार पदमा कार्यरत अर्जुनसिंह थापालाई चितुवाले आक्रमण गरेको हो। डिभिजिन वन कार्यालयका प्रमुख भीम कडेलले चितुवालाई बेहोस बनाएर खोरमा हाल्ने क्रममा थापामाथि आक्रमण गरेको बताए। बेहोस भइसकेको ठानेर खोरमा लैजान खोज्दा चितुवा थापामाथि झम्टिएको थियो।