(ABC Sanchar)
काठमाडौं नेपाल विद्युत प्राधिकरणका एकजना इन्जिनियर १० लाख रुपैयाँ घुससहित पक्राउ परेका छन् ।
विद्युत प्राधिकरणको हेटौंडा–भरतपुर–बर्दघाट २२० केभीए प्रसारण लाइन आयोजना हेटौंडाका प्रमुख (इन्जिनियर, नवौं तह) इश्वरीप्रसाद जयसवाल १० लाख रुपैयाँ घुससहित पक्राउ परेका हुन् ।
पूर्व सूचनाको आधारमा अख्तियार दुरुपयोग अनुसन्धान अयोगको हेटौंडास्थित कार्यालयबाट खटिएको टोलीले जयसवाललाई हेटौंडाबाटै घुस लिँदा लिँदै पक्राउ गरेको हो ।
अख्तियारका अनुसार जयसवालले निर्माणाधीन प्रसारण लाइनभित्र पर्ने रुखहरु कटान गरी ढुवानी तथा घाटगद्धी कार्य सम्पन्न गरेबापत रकम भुक्तानी दिनका लागि सेवाग्राहीसँग १० लाख घुस माग गरेका थिए ।
सोही सूचनाको आधारमा गएको अख्तियारको टोलीले जयसवाललाई रंगेहात पक्राउ गरेको हो ।

सम्बन्धित

दाङमा सशस्त्र प्रहरी जवान झुन्डिएको अवस्थामा मृत्यु फेला

बाँके ट्राफिकले मापदण्ड बिपरित नदिजन्य बोक्ने ट्याक्टरहरु कार्वाही

निर्वाचनको लागि नेपाल प्रहरीले माग्यो १२ अर्ब सशस्त्र खाका बन्दै

सशस्त्र प्रहरीले स्रोत नखुलेको २ लाख रुपैयाँसहित २ जना भारतीय पक्राउ

नेकपा र कांग्रेस कार्यकर्ताबीच झडप वडाध्यक्षसहित ३ जना प्रहरी घाइते

प्रतिनिधिसभा पुनःस्थापना हुन्छ भन्ने भ्रममा नपर्नुस् : प्रधानमन्त्री ओली