प्रकशित मिति : २३ कार्तिक २०७७, आईतवार ०६:५९

(ABC Sanchar)
काठमाडौं सरकारले काठमाडौं उपत्यका भित्रने सवारी साधनलाई अनिवार्य रुपमा धोएर मात्र प्रवेश दिने तयारी गरेको छ । काठमाडौं उपत्यका बाहिरबाट आउने सवारी साधनमा धुलो मैलो टासिएर आउने र त्यसले शहरमा समेत धुवाँ धुलो थपिएर शहरको सौन्दर्यतामा नै प्रभाव पारेपछि बाहिरबाट आउने निजी तथा सार्वजनिक सवारी साधनलाई धोई पखालेर मात्र उपत्यका भित्र प्रवेश गर्न दिने नियम लागू हुन लागेको हो ।
यातायात व्यवस्था विभागका महानिर्देशक गोगन बहादुर हमालले उपत्यका भित्रने सवारी धोएर मात्रै भित्रन पाउने कार्यविधी बनिसकेको जानकारी दिएका छन् । विभागले आगामी १५ मंसिरसम्म त्यसको टेन्डर आह्वान गरिसक्ने जनाएको छ ।
झण्डै वर्ष दिन अघि नै विभागले सवारीसाधन धुने ठाउँ (वासिङ सेन्टर) को निर्माण गर्ने र उपत्यका भित्रने सवारी साधनले अनिवार्य रुपमा धोई पखाली गरेर मात्र छिर्न दिने तयारी गर्दै आएको छ ।
यसअघि नै उक्त नियम कार्यान्वयनमा आइसक्नुपर्नेमा कोरोना भाइरस (कोभिड–१९) को प्रभाव, लकडाउन तथा निषेधाज्ञा लगायतका कारण ढिलाई हुन गएको हो । नाकामै सवारी साधन धोई पखाली गर्दा उपत्यकामा सवारीसाधनले भित्राउने फोहर कम हुने र शहर सफा र सुन्दर राख्न सहयोग मिल्ने विभागले विश्वास लिएको जनाएको छ ।
विभागले यसअघि नै धादिङको विभिन्न स्थानमा वासिङ सेन्टरका लागि जग्गा खोजी भइरहेको जनाएको थियो ।
काठमाडौं उपत्यकाका सडक हिउँदमा धूलो र वर्षामा हिलोका कारण उपत्यकावासी हैरान हुने गरेका छन् । काठमाडौं महानगरपालिका, ललितपुर मानगरपालिका, सडक विभाग लगायतले सडकको धूलो सफा गर्नका लागि यान्त्रिक कुचो (ब्रुमर) समेत सञ्चालन गर्दै आएका छन।रासस


सम्बन्धित

दर्ता विवरण

सूचना विभाग दर्ता नंः १३२५/०७५/७६

Twitter

Contact

सम्पादक – नुकेन्द्र प्रताप सिंह-
सम्पर्क-9848262615
संचालक – सागर थापा
सम्पर्क – 9847845918
email- [email protected]

Copyright © 2015-2021 AbcSanchar.com