बाँके सशस्त्र प्रहरीले पक्राउ गर्यो सिमाबाट लाखौंको अवैध सामाग्री पक्राउ

प्रकशित मिति : २४ कार्तिक २०७७, सोमबार २०:०६

महेन्द्र सिंह
बाँके सशस्त्र प्रहरीले बाँकेका सिमा नाकाबाट दिनहुँ भारतबाट भित्रीदै गरेका अवैध सामाग्री बरामद गर्दै आएको छ। यसैक्रममा सशस्त्र प्रहरीले सोमबार पनि भारतबाट ल्याउदै गरिएका अवैध सामाग्री बरामद गरेको छ।
सशस्त्र प्रहरी बल नम्बर ३० गण बागेश्वरी बाँकेबाट सशस्त्र प्रहरी सहायक निरीक्षक अम्मर थारुको कमान्डमा गएको टोलीले सोमबार बिहान ३ बजे नेपालगन्ज वडा नम्बर १५ पिपरा गाउँको सिमानाकाको बाटो भएर ल्याउदै गरेको अवैध सामाग्री बरामद गरेको हो। सहायक निरीक्षक थारुको कमान्डले ९३ हजार ६ सय रुपैयाँ बराबरको ३१२ थान वेल्ट, ६५ हजार १ सय रुपैयाँ मुल्य बराबरको ९३ पिस ठुलो साईजको जुत्ता र २९ हजार रुपैयाँ बराबरको ११६ पिस सानो साईजको जुत्ता बरामद गरेको सशस्त्र प्रहरीले जानकारी दिएको छ। सिमामा गस्तीमा रहेको सशस्त्र प्रहरीको टोलीलाई देख्नासाथ भारतबाट नेपालगन्ज ल्याउदै गरेको अवैध सामाग्री छोडेर तस्करहरु भारततर्फै भागेको सशस्त्र प्रहरीले जानकारी दिएको छ।
बरामद गरिएका १ लाख ८७ हजार ७ सय रुपैयाँ मुल्यका अवैध सामाग्रीलाई आबश्यक कारबाहीका लागि आजै नेपालगन्ज भन्सार कार्यालय बुझाईएको सशस्त्र प्रहरीले जानकारी दिएको छ

प्रकशित मिति : २४ कार्तिक २०७७, सोमबार २०:०६