(सागर थापा) जिल्ला प्रशासन कार्यालय दाङले तिहारमा अनाबश्यक भीडभाड कम गर्न निषेधाज्ञा तिहारमा लागु गरेको छ ।
दाङ जिल्लामा कोरोना संक्रमितको संख्या बढिरहेकाले जिल्ला प्रशासन कार्यालय दाङले एक सूचना जारी गरेर निषेधज्ञा मंसीर २ गतेदेखि ६ गतेसम्मका लागि थप गरेको दाङका प्रमुख जिल्ला अधिकारी जयनायारण आचार्यले बताउनुभयो ।‘यो निषेधाज्ञा भनेको तिहारमा देउसी भैलो अनाबश्यक भीडभाड नहोस् भन्ने नै हो चाडपर्वमा धेरै भीडभाड हुन्छ, मन्दिर जाने, तिहारमा झन देउसी भैलो खेल्ने चलन छ’ प्रमुख जिल्ला अधिकारी आचार्यले यस बर्ष यस्ता गतिबिधि गर्न नपाईने गरि निषेधाज्ञा जारी गरेको हो । अनाबश्यक भीडभाड तथा सामाजिक दुरी, स्वास्थ्य तथा सुरक्षा मापदण्ड पूरा गर्न प्रशासनले अनुरोध समेत गरेको छ । निषेधाज्ञा भएपनि यातायात, व्यबसाय सबै खुल्ने छन् । मठमन्दिर चर्च खुल्ने छैनन् । साथै तिहार घरमै एकै परिवारमा मनाउन दाङ जिल्ला बासीलाई अनुरोध समेत गरेको दाङका प्रमुख जिल्ला अधिकारी आचार्यले जानकारी दिनुभएको छ ।
