प्रकशित मिति : २८ कार्तिक २०७७, शुक्रबार ०७:३७

(महेन्द्र सिंह)
बाँके लकडाउन लागेको ७ महिना बढि हुदा पनि संचालनमा आउन नसकेको नेपालगन्ज रुपैडिहा भन्सार नाका हुदै दैनिक १ हजारको हाराहारीमा नेपाल वाहिर नेपालीहरु कामको सिलसिलामा जाने गरेको प्रहरीको तथ्याङकले देखाएको छ ।
नेपाल वाहिर जाने र आउने पनि उत्तिकै संख्यामा रहेको जमुनाहा प्रहरीले जनाएको छ ।
चैत्र ११ गते लकडाउन भएयता नेपालगन्जको जमुनाहा नाकाबाट हालसम्म करिव एक लाख नेपालीहरु नेपाल भित्रिएका छन । ईलाका प्रहरी कार्यालय जमुनाहाका अनुसार हालसम्म एकलाख बढि नेपाली भित्रिएका छन भने करिव ४९ हजार भारतीय नागरिकहरु भारत फर्केका छन ।
कोरोना महामारीकै बिच १३ हजार नेपालीहरु रोजगारीका लागि भारत गएको प्रहरीको तथ्याँकमा छ ।
ईलाका प्रहरी कार्यालय जमुनाहका प्रहरी प्रमुख विष्णु गिरीका अनुसार तिहार नजिकिदै गरेको अवस्थामा समेत दैनिक करिव एक हजार जना नेपालीहरु भारत जाने गरेका छन ।
नेपालगन्जको जमुनाहा नाकाबाट साविकको मध्य तथा सुदुरपश्चिमका विभिन्न जिल्लाबाट नेपालीहरु जाने आउने गरेका छन ।
पछिल्लो समय भारतले निर्वाध रुपमा आउन जान दिएपछि नेपालीहरु घर फर्किने र कामका लागि भारत जानेक्रम बढेको हो जमुना प्रहरी प्रमुख गिरीले जानकारी दिए ।


सम्बन्धित

दर्ता विवरण

सूचना विभाग दर्ता नंः १३२५/०७५/७६

Twitter

Contact

सम्पादक – नुकेन्द्र प्रताप सिंह-
सम्पर्क-9848262615
संचालक – सागर थापा
सम्पर्क – 9847845918
email- [email protected]

Copyright © 2015-2021 AbcSanchar.com