गृह मन्त्रालयले देशभरका क्रसर उद्योगको अनुगमन गर्न निर्देशन

प्रकशित मिति : २९ कार्तिक २०७७, शनिबार ०८:५०

ABC (क्राईमबिट)
काठमाडौं गृह मन्त्रालयले देशभरका अवैध रुपमा संचालित क्रसर उद्योगहरुको अनुगमन गर्न निर्देशन गरेको छ । जिल्लाका सरोकारवालाहरुको घोराहीमा बसेको बैठकले निर्णय गर्दै जिल्लामा सञ्चालित ढुंगा, गिट्टी, बालुवा तथा खानीजन्य उद्योग तथा प्रशोधन क्रसर उद्यागको विवरण र मापदण्ड बारे अनुगमन गरिने जिल्ला समन्वय समितीका संयोजक जितेन्द्रमान नेपालीले बताए ।
गृह मन्त्रालयले देशभरका ७७ वटै जिल्लामा पत्राचार गदै मापदण्ड विपरित क्रसर उद्योग सन्चालन भए/नभएको बारेमा अनुगमन गरी एक हप्ता भित्र पेश गर्न निर्देशन दिएको छ । शनिवार राप्ती र गढवामा अनुगमन हुने जिल्ला प्रशासन कार्यालय दाङका प्रमुख जिल्ला अधिकारी जयनारायण आचार्यले जानकारी दिनुभएको छ । वन नापी र प्रहरीसहितको स्थलगत टाेलिले अनुगमनका क्रममा अबैध देखिए क्रसर र बालुवा प्रसोधन बन्द हुने प्रजिअ आचार्यले बताए ।
जिल्लाको तथ्याङक अनुसार हाल १२ वटा क्रसर उद्योग दर्ता भएकोमा २ वटा निष्क्रिय रहेका छन् भने १० वटा सन्चालन रहेको पाईएको छ । यस्तैगरी २४ वटा बालुवा प्रशोधन उद्योग रहेको बताईएको छ । दाङमा मापदण्ड विपरित क्रसर संचालनमा आएको भन्दै गएको साउनमा ८६ वटा क्रसर उद्योगका विरुद्ध उच्च अदालत तुलसीपुरमा घोराही १३ निबासी प्रेम बुढाको रिट निवेदन समेत परेको छ ।

प्रकशित मिति : २९ कार्तिक २०७७, शनिबार ०८:५०